डिभाईडरमा ठोक्किएर मोटरसाइकल दुर्घटना हुँदा गैंडाकोटका एक युवकको मृत्यु

९१ पटक पढिएको

नवलपुर अनलाइन-  नवलपुरमा मोटरसाइकल दुर्घटना हुँदा एकजनाको मृत्यु भएको छ।

नवलपुरको देवचुली  १ केउरेनी स्थित पूर्व पश्चिम राजमार्गमा दलदलेबाट अमरापुरी तर्फ आउदै गरेको प्र.३-०३-००१ प ८७३३ नं.को मोटसाइकल सडकमा डाईभर्सनको लागि राखिएको डिभाईडरमा ठोक्किई दुर्घटना हुँदा मोटरसाइकल चालकको मृत्यु भएको जिल्ला प्रहरी कार्यालय नवलपुरले जानकारी दिएको छ।

मोटरसाइकल चालक गैडाकोट न.पा-१४ अमरापुरी बस्ने बर्ष ३२ को जीवन क्षेत्रीको उपचारको क्रममा हिजो बेलुका नयाँ मेडिकल कलेज चितवनमा मृत्यु भएको छ।

मोटरसाइकल पछाडी बस्ने सोही स्थान घर भएका बर्ष ३७ को शंकर क्षेत्रीको दुबै खुट्टामा चोट लागेको र उनको अवस्था मध्यम रहेको प्रहरीले जानकारी दिएको छ।