गैँडाकोट महोत्सवमा रचना रिमालले तताईन् माहोल

४१ पटक पढिएको

गैँडाकोट, ७ माघ -नवलपुरको गैँडाकोटस्थित नारायणी नदी किनारमा जारी चौथो गैँडाकोट महोत्सवको माहोल रचना रिमालले तताएकी छिन्।

बुधबार साँझ महोत्सवको सांस्कृतिक कार्यक्रमको मञ्चमा प्रवेश गरेकी रिमालले महोत्सवको माहोल तताएकी हुन् । रचना स्टेज चढ्दा छरिएर रहेका दर्शकहरु उनको आवाजपछि मञ्च अगाडि जम्मा भएर उनलाई साथ दिएका थिए ।

फोटो फिरिममा बोलको गीत गाएर सांस्कृतिक प्रस्तुती सुरु गरेकी रिमालले आफ्ना चर्चित गीतहरुबाट दर्शकलाई मनोरञ्जन दिएकी महोत्सवको सांस्कृतिक कार्यक्रम संयोजक किशोर लम्सालले जानकारी दिए ।
बुधबार महोत्सवमा रचना रिमालसँगै चर्चित लोक दोहोरी गायक प्रजापति पराजुली, उमादेवी खनाल, जादुगर बलराम गिरी, वन्दना विश्वकर्मालगायतको प्रस्तुती रहेको लम्सालले बताए । त्यस्तै विभिन्न स्थानीय कलाकारहरुले समेत आफ्नो प्रस्तुती राखेका लम्सालले जानकारी दिए । उनका अनुसार बिहीबार महोत्सवमा चर्चित कलाकार पशुपति शर्मा, दुर्गा सापकोटा, शुष्मा शाही ठकुरीसहित स्थानीय कलाकारहरुको समेत प्रस्तुती रहने लम्सालले बताए ।