नवलपुरमा मोटरसाइकल दुर्घटना हुँदा एक जनाको मृत्यु

१५२ पटक पढिएको

कावासोती । नवलपुरमा सवारी दुर्घटनामा परी एक जनाको मृत्यु भएको छ । देवचुली नगरपालिका – १५ बस्ने ५७ वर्षीय खडानन्द काफ्ले जैसीको मृत्यु भएको हो ।

जिल्ला प्रहरीका अनुसार कावासोती नगरपालिकाको डण्डा हुँदै गोरसतीतर्फ जाँदै गरेको लु ३ त ४९५५ नम्बरको ट्र्याक्टर र विपरीत दिशाबाट आउँदै गरेको लु २९ प १५३५ नम्बरको मोटरसाइकलबीच ठक्कर खाँदा मोटरसाइकल चालक जैसीको मृत्यु भएको हो ।

दुर्घटनामा घाइते भएका जैसीको उपचारको क्रममा मध्यविन्दु अस्पतालमा शनिबार दिउँसो २ बजेतिर निधन भएको प्रहरीले जनाएको छ ।