कामिरिता शेर्पाले गरे २८औँ पटक सगरमाथाको आरोहण

१८२ पटक पढिएको

काठमाडौं । नेपाली हिमाल आरोही कामिरिता शेर्पाले २८ औं पटक सगरमाथापको सफल आरोहण गरेका छन् । सन् २०१९ मा एक हप्तामा दुई पटक (२३ औ र २४ औ पटक) सगरमाथाको सफल आरोहण गर्न सफल कामीरिता शेर्पाले २०२३ मा पुनः एक हप्तामा दुई पटक (२७ औ र २८ औ पटक) सगरमाथाको चुुुचुरोमा पुगेका हुन् ।

गत बुधबार (जेठ ३ गते) २७ औँ पटक सगरमाथाको चुचुरोमा पुगेका कामिरिता आज विहान २८औँ पटक सगरमाथाको चुचुरोमा पुगेको सेभेन समिट टेक्सले जनाएको छ ।

खुम्बु पासाङल्हामु गाउँपालिकाको थामेका ५३ वर्षीय कामिरिता शेर्पाले सबैभन्दा धेरै पटक सगरमाथा आरोहणसँगै आठ पटक चो ओयु, तीन पटक मनास्लु, एक पटक ल्होत्से, एक पटक केटु गरी ३९ पटक विश्वका अग्ला हिमालहरुको आरोहण गरिसकेका छन् ।