“विश्व खाद्य स्वच्छता दिवस”को अवसरमा खाद्य डिभिजन चितवनद्धारा बजार अनुगमलाई तिब्रता

२९४ पटक पढिएको

अनिता गैरे– विश्व खाद्य स्वच्छता दिवसको अवसरमा खाद्य प्रविधि तथा गुण नियन्त्रण डिभिजन कार्यालय चितवनले बिभिन्न कार्यक्रम गरि मनाउने भएको छ।

जेठ १८ गते पहिलो दिन कार्यालय परिसरको सरसफाई, खाद्य स्वच्छता सम्बन्धित जनचेतनामूलक फ्लेक्स टाँस गरेर शुरू गरेको कार्यालय प्रमुख खाद्य अनुसन्धान अधिकृत प्रमोद चन्द्र पौडेलले नवलपुर अनलाईनलाई बताउनुभयो। जिल्ला प्रशासन कार्यालय तथा उद्योग बाणिज्य सहितको संयुक्त टोलिद्धारा बिभिन्न तेल उत्पादक कम्पनी तथा सिन्थेटिक जुस (PEO) बनाउने उद्योगको अनुगमन गरेको उहाँले जानकारी दिनुभयो।

सप्ताहव्यापी कार्यक्रम अन्तर्गत जेठ १९ गते फलफुल र तरकारीमा कार्बाइड प्रयोग भए नभएको बारेमा रत्ननगर नगरपालिका, खैरहनी नगरपालिका र राप्ती नगरपालिकाका ११ वटा फलफुद गोदामहरुको अनुगमन कार्य सम्पन्न भएको छ। सो अनुमगनका क्रममा ति फलफुल तथा तरकारीजन्य बस्तुहरुमा कुनै पनि कार्वाइडजन्य पदार्थ प्रयोग नभएको पाईयो। केही किराना पसलमा म्याद गुज्रिएका पेय पदार्थ भेटिएकोले नष्ट गरिएको छ।

आज २० गते खाद्य प्रविधि कार्यालय चितवन र हेटौँडाको संयुक्त आयोजनामा चितवनका सामुदायिक विद्यालयहरुमा खाद्य सचेतना कार्यक्रम समेत आयोजना गरिएको छ। भोलि विद्यालय तथा अस्पतालका क्यान्टिनहरुमा अनुगमन गर्ने कार्यक्रम रहेको पौडेलले नवलपुर अनलाईसँगको कुराकानीमा बताउनुभयो।

जेठ २२ गते मासुजन्य पसलहरुको अनुगमन र डाटा संकलन गर्ने देखि उहाँहरुलाई तालिम प्रदान गर्ने कार्यक्रम रहेको छ। जेठको २३ र २४ गते संयुक्त बजार अनुगमन तथा माडीका स्ट्रेटफुड पसलहरुमा अनुगमन तथा सचेतना कार्यक्रम गर्दे खाद्य स्वच्छता दिवसलाई सप्ताहव्यापी रुपमा बिभिन्न कार्यक्रम गरि मनाउने पौडेलले बताउनुभयो।

विश्व खाद्य स्वच्छता दिवसको अवसरमा खाद्य प्रविधि तथा गुण नियन्त्रण विभाग र मातहतका ४२ वटै कार्यालयले सप्ताह व्यापी कार्यक्रम गरेर खाद्य स्वच्छता सम्बन्धी बिभिन्न सचेतनामूलक कार्यक्रम, अन्तर्क्रिया र बजार अनुमगनलाई तिब्र पारेका छन्।