मौलाकालिका मन्दिरबाट फर्किँदै गरेको अटो दुर्घटनामा ४ जना घाइते

१०२ पटक पढिएको

गैंडाकोट- नवलपुरको गैंडाकोट १ स्थित मौलाकालिका मन्दिरबाट फर्किँदै गरेको अटो दुर्घटनामा ४ जना घाइते भएका छन्।

आज बिहान ३ जना यात्रु लिएर मौलाकालिका मन्दिरबाट फर्किँदै गरेको ना २ ह २१५५ नं को अटो ब्रेकफेल भई सडकबाट १० मिटर तल झरेको जिल्ला प्रहरी कार्यालय नवलपुरले जानकारी दिएको छ।

अटोमा सबार मध्यबिन्दु नगरपालिका ७ बस्ने बस्ने ५७ की सरस्वती पौडेल, बर्ष १४ की कविता पौडेल, कावासोती नगरपालिका १ बस्ने बर्ष ३६ की गंगा कंडेल घाइते भएका छन्।

अटो चालक गैंडाकोट २ बस्ने बर्ष ४१ की कमला ढकाल समेत घाइते भएको प्रहरीले जानकारी दिएको छ।

घाइतेको गैंडाकोट सामुदायिक अस्पतालमा उपचार भैरहेको छ। घाइतेहरुको अवस्था सामान्य रहेको अस्पताल प्रमुख इन्द्रराज सापकोटाले नवलपुर अनलाइनलाई बताउनुभयो।