गैँडाकोटमा २९२ जनाको उम्मेदवारी दर्ता (कुन पदमा कति?)

७४२ पटक पढिएको

प्रकाश भण्डारी: वैशाख ३० गते शुक्रबार हुने स्थानीय तह सदस्य निर्वाचनको लागि गैँडाकोटमा २९२ जनाले उम्मेदवारी दर्ता गराएका छन्।पहिलो र दोस्रो दिन बिभिन्न पदमा २९२ जनाको उम्मेदवारी परेको निर्वाचन अधिकृत दीपशिखा मुनाकमीले नवलपुर अनलाइनलाई बताउनुभयो।

मेयर पदका लागि ६ जना, उप मेयर पदका लागि ६ जनाको उम्मेदवारी दर्ता भएको छ। त्यस्तै वडा अध्यक्षका लागि ६५, महिला वडा सदस्यका लागि ५४, दलित महिला वडा सदस्य ४३, वडा सदस्य २ जनाका लागि ११८ गरि दोस्रो दिन जम्मा २९२ जनाको आवेदन परेको छ।

पहिलो दिन २१ जनाले उम्मेदवारी दर्ता गराएका थिए। हिजो र आजको तथ्यांङ्क अनुसार २९२ जनाको उम्मेदवारी परेको छ। सबै उम्मेदवारहरूको नामावली केहीक्षणमा प्रकाशन गर्नेछौँ।