नवलपुर जिल्लाका ३ जना उम्मेदवारको नाम बन्दसूचीबाट हटाईयो

७१२ पटक पढिएको

नवलपुर- निर्वाचन आयोगले आगामी फागुन २१ गते हुने प्रतिनिधि सभा निर्वाचन अन्तर्गत समानुपातिक बन्दसूचीमा समेटिएकामध्ये नवलपुर जिल्लाबाट ३ जनाको नाम हटाएको छ ।

साेमबार आयाेगले प्रेस विज्ञप्ति जारी गर्दै ७६ जनाको नाम हटाइएकाे जानकारी दिएकाे हाे । ७६ जनामध्ये नवलपुर जिल्लाबाट उम्मेदवारी दिएका ३ जनाको नाम हटाईएको आयोगले जानकारी दिएको छ।

प्रदेश सभा सदस्य समानुपातिक निर्वाचन प्रणालीतर्फको बन्दसूचीमा नाम कायम रहेका नवलपुर जिल्लाको गैंडाकोट वडा ५ र ११ स्थायी ठेगाना भएका नेशनल रिपब्लिक नेपाल पार्टीका २ जना उम्मेदवार दिल कुमारी थापा र गौ माया थापा रहेका छन्।

त्यस्तै मध्यबिन्दु नगरपालिका ४ ठेगाना भएका राष्ट्रिय जनमोर्चाका बिकाराम चौधरीको कर्जा सूचना केन्द्रको कालो सूचीमा नाम रहेका कारण बन्दसूचीबाट नाम हटाइएको नवलपुर जिल्ला निर्वाचन अधिकारी लाल प्रसाद शर्मा भुषालले जानकारी दिनुभयो।