गैरीबारी रिसोर्टको “बर्षात विशेष अफर”: ४५ सयको प्याकेज २३ सयमै

चितवनको पर्यटकीय स्थल सौरहामा रहेको गैरीबारी रिसोर्टले आन्तरिक पर्यटकहरूलाई प्रर्बद्धन गर्नका लागि बर्षात विशेष अफर योजना ल्याएको छ।

बर्षातको समय भएको र त्यसैमा पनि पर्यटकहरु कम आउनेहुँदा पर्यटकहरूको आवागमन बढाउन र रिसोर्टलाई चलायमान बनाउनका लागि बर्षात विशेष अफर ल्याइएको रिसोर्टका सञ्चालक शिव प्रसाद भूसालले बताउनुभयो।

एकरात र २ दिनको सो प्याकेज यहि साउन मसान्तसम्म रहनेछ।

आन्तरिक पर्यटकहरुको चहलपहल बढाउन र नेपालीहरुको लागि पनि सौराहा खास महंगो छैन भन्ने सन्देश दिनका लागि बर्षात विशेष अफर योजना ल्याएका हौं भूसालले बताउनुभयो।

विदेशी पर्यटहरुको आवागमन नभएको तथा रिसोर्टलाई समेत चलायमान बनाउका लागि यो प्याकेज प्रभावकारी हुने गैरीबारी रिसोर्टले जनाएको छ ।

वर्षात विशेष अफरमा ४ हजार ५ सय पर्ने प्याकेजलाई पाहुनाहरुले २ हजार ३ सय रुपैयामै पाउनेछन् ।

एउटा कोठामा दुईजनासम्म बस्न पाईने, १० बर्ष भन्दा कम उमेरका बच्चाहरूलाई नि:शुल्क राख्न पाईने र १५ बर्ष भन्दा तलको उमेरका बालवालिकाहरूलाई पचास प्रतिशत मूल्यमै सुबिधा दिईने भुसालले बताउनुभयो।

सो प्याकेजमा बेलुकीको खाना, एसी सहितको कोठा, जिप मार्फत सौराहकाको दृश्य अवलोकन, हात्ती प्रजनन केन्द्र र संग्राहलय तथा साँस्कृतिक कार्यक्रमको अवलोकन, विहानको खाना खाजा तथा चिया कफी लगायतका सुविधाहरु प्राप्त गर्न सकिने छ ।