यी हुन बुलिङटारका जनप्रतिनिधिले सय दिनमा गरेका महत्वपूर्ण उपलब्धि (सुचीसहित)

५०६ पटक पढिएको

बुलिङटार गाउँपालिकाले १ सय दिनका जनप्रतिनिधिका कार्य तथा उपलब्धिहरू सार्वजनिक गरेको छ ।

गाउँपालिकाको सभाहलमा आज आयोजित पत्रकार सम्मेलन मार्फत जनप्रतिनिधिका एकसय दिनका कार्यहरू सार्वजनिक गरिएको हो ।गाउँपालिका प्रमुख दिपेन्द्र सुनारीले बिभिन्न १० बुँदामा समेटिएका उपलब्धीहरूको सूची प्रस्तुत गर्नुभएको थियो।

१.राष्ट्रिय प्रसारण लाइन जडान गरिएको बुलिङटारमा विद्यमान उर्जा संकटलाई समाधान गर्दै करीब ४०० भन्दा बढी घरधुरीमा मिटर बक्स लगेर राष्ट्रिय प्रसारण लाइन जोड्न सफल भएको छ। साथै राष्ट्रिय प्रसारण लाइन जडान नभएको बस्तीहरुमा पनि निरन्तर काम भइरहेको छ । यो संगै छिट्टै नै उज्यालो पालिका घोषणा गर्ने दिशामा हामी नजिक नजिक हुनेछौं ।

२.बृहत बुलिङटार खानेपानी निरन्तरता बुलिङटारको अर्को मुख्य समस्या खानेपानी रहेको तितो यथार्थ हामीले मनन गरेका छौं । एक घर एक धाराू भन्ने भनाइप्रति गम्भीरता भई खानेपानी समस्य दिर्घाकालिन रुपमा हल गर्न हामी तत्पर छौं । अघिल्लो सरकारबाट प्रारम्भ भएको बृहत बुलिङटार खानेपानी आयोजनालाई निरन्तरता दिदै आएको र सम्बन्धित सरोकारवाला खानेपानी विज्ञसंग घनिभुत परामर्श गरी मर्मत कार्य निरन्तर गर्दै पानीलाई रिजर्भ टंकीमा संकलन गर्न सफल भयौं । र विभिन्न शाखाहरु हुदै अहिले अधिकांश काम सम्पन्न भएको अवस्था छ । अव छिट्टै नै एक घर एक धारा नारा पनि साकार हुनेमा हामी विश्वस्त छौं ।

३.बुलिङटार सिचाइ आयोजना मर्मत सुधार बुलिङटारको गौरवको सिचाइ आयोजना वि।सं २०४३ सालमा सुरुआत भइ २०४६ सालमा सम्पन्न भएको थियो । करिब ३०० हेक्टर भन्दा बढी जमिन सिंचित गर्न सक्ने यो सिंचाइ आयोजना लामो समय सम्म संचालनमा रहिआएको तर हाल जीर्ण अवस्थामा रहेकाले यसलाई पूर्ण रुपमा सञ्चालन गर्नका लागि मर्मत सम्भार तथा सुधारको काम गरी सञ्चालनमा आएको छ । यो नहरलाई आगामी दिनहरूमा अरु संघसंस्था, प्रदेश सरकार तथा अन्य निकायहरुसंग समन्वय गरी पुनस्निर्माणको प्रक्रिया पनि सुरु गर्ने योजना सहित काम अगाडि बढेको छ ।

४.हाटबजार सञ्चालन सन्दर्भ बुलिङटारलाई आत्मनिर्भर बनाउनका लागि यहाँको कृषि उत्पादन र यहि बिक्रिवितरण गर्ने उदेश्यले बुलिङटार ३ मा कृषि हाटबजारको भौतिक संरचना निर्माण सम्पन्न गरेर सञ्चालनको तयारीमा रहेको छ । जसबाट स्थानीय स्तरमा उत्पादन भएका कृषि तथा पशुजन्य सामग्रीको उचित व्यवस्थापन तथन बजारीकरण भइ स्वरोजगारको अवसर सिर्जना गर्ने लक्ष सहित यस कार्यको प्ररम्भ भएको छ।

५.बुलिङटार वडा नं २ को कार्यलय भवन सम्पन्न संघियता कार्यन्वयन संगै नागरिकको नजिकको निकायबाट प्रवाह गर्ने सन्दर्भमा वडा कार्यलय भवनहरु निर्माण गर्ने क्रममा विगतमा शुभारम्भ भई विविध कारणले निर्माण सम्पन्न हुन नसकेको वडा नं २ को कार्यलय भवन निर्माण सम्पन्न भइ दैनिक रुपमा सेवा प्रवाह भइरहेको छ ।

६.स्वास्थ्य सेवामा उत्कृष्टता र प्रभावकारीता निर्वाचनको प्रतिबद्धता पत्रमा उल्लेखित घरघरमा गइ आधारभुत स्वास्थ्य सेवा प्रवाह गर्ने काम विशेषगरी अशक्त तथा सुत्केरी महिलाहरुलाई निशुल्क स्वास्थ्य परामर्श तथा परिक्षण गर्ने कामको सूरुआत भएको साथै बुलिङटारका स्वास्थ्य संस्थाहरुबाट प्रदान गर्ने सेवाहरुको वार्षिक मुल्यांङकनमा नवलपुर जिल्लाकै उत्कृष्ट गाँउपालिकाको रुपमा पहिचान बनाउने सफल भएको छ।

७.पालिका भित्रका ग्रामिण सडकहरु नियमित सञ्चालन भौगोलिक जटिलता र वर्षातले क्षतिग्रस्त ग्रामिण सडकहरुलाई नियमित रुपमा मर्मत सम्भार गरी यातायात सेवालाई प्रभावकारी रुपमा सञ्चालन गर्ने कार्यलाई प्राथमिक्ताका साथ अगाडी बढाइएको छ । यसले गर्दा नागरिकको जनजिवनमा प्रत्यक्ष रुपमा सहजता प्रदान हुन पुगेको साथै सेवाग्राहीलाई आवतजावत गर्न सहज वातावरण वनेको छ ।

८. सुरक्षित नागरिक आवास कार्यकम सञ्चालन आर्थिक रुपमा विपन्न घरपरिवार तथा खरले छायको घरहरुको पहिचान गरि सुरक्षित नागरिक आवास कार्यक्रम मार्फत मजवुत आवास निर्माण कार्य सम्पन्न भएको छ । साथै बाँकी रहेका खरका छानाने बनेका घरहरुको पहिचान गरि अभियानलाई निरन्तर दिइ पूर्ण रुपमा खरछाना मुक्त पालिका घोषणा गरिने ।

९.जनप्रतिनिधिहरुलाई क्षमता विकास कार्यकम सञ्चालन निर्वाचित जनप्रतिनिधिहरुको क्षमता विकास वृद्धि गर्ने उदेश्यले लैंगिक समानता तथा समावेशीकरण, विपद जोखिम न्युनिकरण, सामाजिक सुरक्षा तथा घटना दर्ता, पोषण विकास कार्यक्रम लगायत अन्य क्षमता विकासका कार्यक्रमहरु सञ्चालन गरी नेतृत्व विकासमा थप टेवा पुग्ने कुरामा निरन्तर प्रयास गरिने छ ।

१०. गरिब तथा विपन्न घर परिवार पहिचान सम्पन्न बस्न योग्य हेर्न लायक, समृद्ध बुलिङटार निर्माण गर्ने अभियानलाई साकार गर्नका लागि पालिका अन्तर्गतका आर्थिक रुपमा गरिब तथा विपन्न वर्गहरुको तथ्याङ्क संकलन गर्ने काम सम्पन्न भएको साथै आगामी दिनमा यी वर्गका मान्छेहरुको जिवन स्तर उकास्नका लागि क्षमता विकास तथा रोजगार सिर्जना सम्बन्धी कार्यक्रमहरुलाई बजेट निर्माणमै प्राथमिक्ता गर्ने कामको सुरुआत गरिएको छ ।