गलत हर्कत गर्ने प्रहरी जवान निलम्बित

३०६ पटक पढिएको

शुक्रबार सप्तरीको राजविराजदेखि भारतीय सीमासम्म जोडने कुनौली सडकमा नशामा लट्ठिएर गलत हर्कत देखाएका एक प्रहरी जवान निलम्बनमा परेका छन्।

सीमा क्षेत्रमा गस्तीमा खटिएका प्रहरी जवान सञ्जीव कुमार राय यादवको हिजोदेखि सामाजिक सञ्जालमा नशामा लठ्ठिएर हिडेको भाईरल भिडियो माथी छानबिन गर्दै निज जवान रायलाई निलम्बन गरिएको सप्तरी जिल्लाका प्रहरी प्रमुख प्रहरी उपरीक्षक नरेन्द्र कुमार कार्कीले बताए।

प्रहरीको नियमावली विपरित हर्कत गरेका कारण उनलाई निलम्बन गरि बिभागीय कारबाहीका लागि अनुसन्धान भैरहेको कार्कीले भने।