भदौ २१ गतेदेखि “सफ्ट टेक चितवन-२०८०” संचालन हुने

९२ पटक पढिएको

चितवन । यही भदौ २१ गतेदेखि २३ गतेसम्म “सफ्ट टेक चितवन २०८०” आयोजना हुनेभएको छ ।

उद्योग वाणिज्य सङ्घ चितवन र कम्युटर एशोसिएशन महासङ्घ जिल्ला शाखा चितवनको संयुक्त आयोजनामा उक्त कार्यक्रम आयोजना हुन लागेको हो।

‘चितवनको समृद्धि सूचना प्रविधि’ भन्ने मूलनाराका साथ आयोजना गर्न लागिएको मेलामा आईटिसम्बन्धी काम गर्दै आएका विभिन्न कम्पनीका २० स्टलहरू रहनेछन् ।

नव उद्योमी र उद्योग प्रबद्र्धन गर्न चाहनेलाई लक्षित गर्दै मेला आयोजना गर्न लागिएको उद्योग वाणिज्य सङ्घ चितवनका अध्यक्ष चुननारायण श्रेष्ठले जानकारी दिनुभयो ।

उद्योग वाणिज्य सङ्घ चितवनको परिसरमा आयोजना गर्न लागिएको मेलामा सूचना प्रविधिको क्षेत्रमा काम गर्ने संस्था, आवश्यक जनशक्ति उत्पादन गर्ने शैक्षिक संस्था औद्योगीक तथा व्यापारिक प्रतिष्ठानबीच अन्तरसम्बन्ध स्थापित गरी दिगो पारिस्थितिक प्रणाली निर्माण गर्नका लागि मेला आयोजना गरीएको महासङ्घ चितवन शाखाका अध्यक्ष टेकलाल भुसालले जानकारी दिनुभयो ।