कान्तिपुर मिडिया ग्रुप विरुद्ध आजदेखि थप आन्दोलन गर्दै महासङ्घ

९९ पटक पढिएको

काठमाडौँ, कात्तिक ३ गते । ८२ जना श्रमजीवी पत्रकारलाई जर्वजस्ती नियम विपरीत हटाएपछि कान्तिपुर मिडिया ग्रुप विरुद्ध आन्दोलन सुरु गरेको छ ।

‘डिजिटल प्लेटफर्म’ मार्फत थप आन्दोलन जारी राख्ने महासङ्घले निर्णय गरेको महासचिव रोशन पुरीले जानकारी दिनुभयो । दसैँ बिदा पश्चात् आन्दोलनलाई अन्तर्राष्ट्रिय समुदाय, नागरिक समाज र नागरिक तहलाई जोड्दै थप सशक्त र परिणाममुखी बनाइने विज्ञप्तिमा उल्लेख गरिएको छ ।

कान्तिपुरले बलपूर्वक निष्कासन तथा गैर कानुनी सरुवा गरिएका पत्रकारको अधिकार प्राप्तिका लागि नेपाल पत्रकार महासङ्घले यस अघि देखिनै भद्र आन्दोलन गरेको भए पनि नेपाल मिडिया सोसाइटीको नाममा आएका आक्षेप र टिप्पणीप्रति नेपाल पत्रकार महासङ्घको गम्भीर ध्यानाकर्षण भएको जनाएको छ ।

श्रमजीवी पत्रकार ऐन आफ्नो संस्थामा तत्काल कार्यान्वयन गर्न महासङ्घले सोसाइटीको ध्यानाकर्षण गराएको छ ।