जनमुखी आदर्श कलेजमा शुभकामना आदानप्रदान कार्यक्रम सम्पन्न

गैंडाकोट। त्रि. वि प्राध्यापक सङ्घ इकाई समिति जनमुखी आदर्श कलेज गैँडाकोट -१५ अमरापुरीको आयोजना मा दशैं, तिहार, छठ र नेपाल सम्वत ११४४ को सुखद सन्दर्भमा शुभकामना आदानप्रदान  कार्यक्रम सम्पन्न गरिएको हो।

उक्त  कार्यक्रम  त्रि. वि प्राध्यापक सङ्घ इकाई समितका  सभापति  रामजी आचार्यको अध्यक्षतामा  सम्पन्न भएको छ। कार्यक्रमा कलेज सञ्चालन समितिका कार्यवाहक अध्यक्ष तजेन्द्र सापकोटा प्रमुख अतिथि रहनुभएको थियो । कार्यक्रममा उहाँले हाम्रा सबै मौलिक पर्वले सामाजिक एकता  र भाइचाराको सम्बन्धलाई प्रगाढ बनाएको बताउनुभयो । उहाँले जनमुखी  कलेज यस क्षेत्रमै अब्बल तथा साविक अमरापुरी ,मुकुन्दपुरका लागि आवश्यकता भएको महशुस गरेर सामुदायले स्थापना गरेको कलेज भएकोले यसको मर्मलाई जीवन्त बनाउन आफूले मन,वचन र कर्मले सहयोग रहने र सबैको सहयोग आवश्यकता रहेको समेत  बताउनुभयो ।

उक्त कार्यक्रममा  क्यामपस प्रमुख केशव घिमिरेले  शुभकामना व्यक्त गर्दै  टाढा गएर उच्च शिक्षा लिनबाट समुदायका कोही बन्चित नहुन  घरआगनमा पढ्न पाउन भनी स्थापना भएक‍ो जनमुखी कलेज अनेक सङ्घर्ष गर्दै भौतिक रुपमा सबल बनिसकेको  शैक्षिक संस्थाहरूले स्वदेशमै टिकाउन सक्ने जनशक्ति उत्पादनमा जोड दिनुपर्ने तर +२ पछि विद्यार्थी विदेश जाने   लहर नै चलेकाले राज्यले फरक कार्यक्रम ल्याउनु पर्ने अन्यथा युवा शक्ति पलायन भएर देशमा भयावह अवस्था  आउन सक्ने हुँदा राज्य र समुदायले सचेत भएर सोच्नु पर्ने अवस्था आएको बताउनु भयो ।

  त्यसै गरि कार्यक्रममा बोल्दै  सहायक क्याम्पस प्रमुख निराजन चौधरीले   कलेका समस्या , सम्भावना र चुनौतिहरु माथि   गर चर्चा गर्दै चाडपर्व र धर्म बीच सम्बन्ध रहेको बताउँदै सभ्य, सुसंस्कृत र गच्छ अनुसार पर्वहरू मनाउनु पर्ने कुरा  गर्नुभयो ।

 त्यसैगरी कार्यक्रममा कलेज सञ्चालन  समितिका  पदाधिकारीहरु आ-आफ्नो शुभकामना मनतव्य राख्नु भएको  उक्त कार्यक्रम सञ्चालन  संघका सचिव  बासु देव  गैह्रेले गर्नुभएको थियो भने  स्वागत  मन्तव्य व्यवस्थापन सङ्काय प्रमुख सङ्घका  उपाध्यक्ष   कमला दवाडीले गर्नु भएको थियो । कार्यक्रममा शिक्षा शास्त्र संकाय प्रमुख यज्ञ सुवेदी परीक्षा समिति प्रमुख प्रेम पौड्याल ,कलेका प्राध्यापकहरुको उत्साह जनक उपस्थिति रहेको थियो ।  कार्यक्रम पछि चियापान पछि कार्यक्रम सम्पन्न भएको कुरा त्रि. वि प्राध्यापक सङ्घ इकाई समितका  सभापति  रामजी आचार्यले बताउनु भयो।