हिंसा अन्त्यको लागि किशोरीमा लगानी आवश्यक छ

५०५ पटक पढिएको

कावासोती, नवलपुरका सरोकारवालाहरु किशोरी र महिलाहरुमाथी हुने हिंसा अन्त्यको लागि विशेष लगानी आवश्यक रहेको नवलपुरका सरोकारवालाहरुले बताएका छन्।

१६ दिने लैगिंक हिंसा विरुद्धको अभियान अन्तर्गत नवलपुरको कावासोतीमा आयोजित हिंसा अन्त्यमा सरोकारवालाहरुको भुमिका के रहने बारेमा बोल्दै अधिकारकर्मीहरुले विशेष र प्राथमिकता सहीतको लगानीको अभाव रहेकोले हिंसा बढेको र यसको न्युनिकरणको लागि लगानी बढाउनुपर्नेमा जोड दिएका छन् ।

महिला अधिकारकर्मी एवम महिला बालबालिका कार्यालयकी पूर्व महिला अधिकृत शान्ति केसीले आफ्नो जिवनमा १९ वर्षबाट जागिर सुरु गरेको, विभिन्न हिंसा, शोषण र दृव्र्यवहारमा परेका किशोरीहरु र महिलाहरुको उत्थानको लागि काम गर्दा पाएको अनुभव बताउँदै यदी स्थानीय तहले विकास भौतिक मात्र देखीरहने हो भने अझै हिंसाको दर बढ्ने र किशोरीहरु र महिलाहरुको अवस्था सुधारोन्मुख नहुने बताउनुभयो ।

सानो उमेरमा नै बालविवाह गर्ने र सो बाट समुदाय र स्वयम व्यक्तिलाई परेको असर थाहा हुनका लागि पनि अहिलेका बालबालिकामा लगानी आवश्यक रहेको तर अहिले स्थानीय सरकारले सामाजिक विकासमा लगानी निकै कम गरेकोले हिजोका उपलब्धीहरु समेत गुम्ने डर रहेको बताउनुभयो ।

मध्यविन्दु क्याम्पसका प्राध्यापाक डा. नरनाथ पाण्डेले सामाजिक रुपमा पछाडी पारिएका वर्गहरुका सचेतनामुलक र रोजगार मुलक अभियानहरु आवश्यक रहेको बताउनुभयो । हिजो कमलरी प्रथाबाट सुरु भएको विभेद समाजमा आज पनि अन्य अवशेषमा रहीरहेकोले यसको न्युनिकरणको लागि सवैजना लाग्नुपर्नेमा उहाँले जोड दिनुभयो ।

पहिला जस्तो अवस्था नरहेको भएता पनि वर्तमानमा किशोरकिशोरीहरुका सवालहरु फरक रुपमा रहेकोले सचेतना र क्षमता अभिबृद्धीका कार्यक्रमहरु सोही अनुसार नै तयारी गर्नुपर्नेमा उहाँले जोड दिनुभयो । साहीत्यकार एवम महिला अधिकारकर्मी सरस्वती तिमिल्सीनाले किशोरीहरुलाई शसक्त घरबाट नै गराउन सक्ने हो भने कुनै पनि हिंसा, दृव्र्यवहार र शोषणमा नपर्ने बताउनुभयो । आफु बालिका हुँदा अभिभावकले राम्रो विद्यालयमा शिक्षा हासिल गर्न अवसर दिएकोले आज पनि समाजमा कुनै पनि विभेदमा पर्न नपरेको र सक्षम महिला भएर अगाडी बढेको बताउनुभयो ।

किशोरीहरुलाई कतै हिंसामा परेको जस्तो वा महसुस भयो भने आवाउ उठाउनुपर्ने र न्यायको लागि निरन्तर लडाई लड्न पर्ने बताउनुभयो । साहीत्यकार तिमील्सीनाले कार्यक्रममा आफ्नो भर्खर प्रकाशित कविताहरुको सँग्रह पाईला पाईलामा पाईला टेकेर बाट किशोरीहरु र महिलाहरुको शसक्तिकरण र हिंसाका स्वरुपहरुको बारेमा सहभागिहरुलाई बताउनुभएको थियो ।

कार्यक्रम जागृति बाल तथा युवा सरोकार नेपालको आयोजनामा क्यान्नलन स्विजरल्याण्डसँगको सहयोगमा र नवलपुर किशोरी सञ्जाल र सेवा निवृत सेवा समाज नवलपुरसँगको समन्वयमा आयोजना गरिएको संस्थाका महासचिव दिपक शर्माले बताए । नवलपुरमा आज पनि विभिन्न बहानामा किशोरीहरु र महिलाहरुमाथी हिंसा र शोषण रहेको र बेला बेलामा हुने विभिन्न आपराधिक क्रियाकलपाहरुबाट उनीहरुको जिउ धनको सुरक्षामाथी नै प्रश्न रहेको बताउनुभएको थियो ।

कार्यक्रममा किशोरीहरु, नवलपुर किशोरी सञ्जालका पदाधिकारीहरु सहीत ५० भन्दा बढीको सहभागिता रहेको थियो ।