नारायणगढका ब्यापारीसँग १५ लाख फिरौती माग गर्ने तीनजना पक्राउ

१९० पटक पढिएको

चितवन । नारायणगढमा एक व्यापारीसँग १५ लाख रुपैया फिरौती माग गर्दै सो रकम नदिए ज्यान मार्ने धम्मी दिने तीनजनालाई प्रहरीले पक्राउ गरेको छ ।भरतपुर महानगरपालिका वडा नं. १ मा व्यवसाय गर्दै आएका करन गुप्तासँग फिरौती रकम माग्ने तीन जनालाई चितवन प्रहरीले पक्राउ गरेको हो ।

पक्राउ पर्नेहरुमा भरतपुर महानगरपालिका वडा नं. २१ बस्ने वर्ष २७ का सरोज सुनार, भरतपुर महानगरपालिका वडा नं. १ बस्ने वर्ष २६का दिपक बिक र भरतपुर महानगरपालिका वडा नं. २६ बस्ने वर्ष २५ का सागर बिक रहेका छन् । पक्राउ परेकाहरुलाई व्यापारी गुप्तालाई एनसेलको सिम प्रयोग गरि फिरौती  नदिए सुट गरि हत्या गर्ने धम्की समेत दिएको प्रहरीले जनाएको छ ।

जिल्ला प्रहरी कार्यालय चितवनका प्रहरी निरीक्षक उमाशंकर प्रसाद साहको कमाण्डमा खटिएको प्रहरीको विशेष टोलीले फिरौती रकम दिन लगाएर उनीहरुलाई मंगलबार नियन्त्रणमा लिएका थिए ।