चितवनमा बलेरोले स्कुटर र मोटरसाइकललाई ठक्कर दिँदा एकको मृत्यु, दुई घाइते

१२४४ पटक पढिएको

भरतपुर,कात्तिक २२– चितवनमा बलेरोले स्कुटर र मोटरसाइकललाई ठक्कर दिँदा एकको मृत्यु भएको छ। दुर्घटनामा २ जना घाइते मध्ये एकको अवस्था गम्भीर रहेको छ।

आज बिहान करिब ११:४० बजेको समयमा भरतपुर २४ लक्ष्मणचोक स्थितमा प्र ३-०१-०२४च ४९९३ नं. को बलेरोले बा.प्र.०३-००१प ३६५६ नं.को मोटरसाइकल र प्रदेश ३-०३-००१प ८८८२ नं. को स्कुटरलाई ठक्कर दिएको थियो।

बलेरोको ठक्करबाट स्कुटरमा सबार ईच्छाकामना गापा५ दारेचोक बस्ने बर्ष ३७ की राम कुमारी गुरुङको पुरानो मेडिकल कलेजमा दिउसो १२:०५ बजे मृत्यु भएको जिल्ला प्रहरी कार्यालय चितवनले जनाएको छ।

घाइते स्कुटर चालक ईच्छाकामना गापा ५ दारेचोक बस्ने बर्ष ३१ को सोजन शेरचन र मोटरसाइकल चालक भरतपुर २४ बस्ने बर्ष ३१ को हरिशरण थापा मगर पुरानो मेडिकल कलेजमा उपचार भैरहेको छ। स्कुटर चालक शेरचनको अवस्था गम्भीर रहेको प्रहरीले बताएको छ।

बलेरो चालक नवलपुरको गैँडाकोट ४ बस्ने बर्ष ३४ को राम खनाललाई प्रहरीको नियन्त्रणमा लिएको छ। घटनाको बारेमा थप अनुसन्धान भैरहेको छ।