चितवनमा गैंडाले आक्रमण गर्दा दुध बेच्न हिंडेका अधिकारी घाइते

४११५ पटक पढिएको

पुस २०- चितवनको राप्ती नगरपालिकामा दुध बेच्न हिंडेका एक पुरूषलाई गैंडाले आक्रमण गर्दा घाइते भएका छन्।

राप्ती नगरपालिका वडा नं. १ देउराली चोक पिप्ले बस्ने वर्ष  ८३ को दीपबहादुर अधिकारीले दुध बेच्न जाने क्रममा शुक्रबार साँझ करिब ६:४० बजेको समयमा जङ्गली जनावर गैंडाले आक्रमण गरेको थियो।

गैंडाको आक्रमणबाट अधिकारीको मुख र खुट्टामा सामान्य चोट लागेको छ। घाइतेलाई अस्थाई प्रहरी पोष्ट लोथरबाट खटी गएको प्रहरी टोलीले उपचारको लागि सरकारी अस्पताल पठाएको ५ियो। उनको भरतपुर अस्पतालमा उपचार भैरहेको छ।