झरीले राती २ बजेवाट दाउन्नेमा राजमार्ग अबरुद्ध

१०८ पटक पढिएको

नारायण शर्मा- गएराती २ बजेदेखि परेको झरीले महेन्द्रराजमार्ग अन्तरगत दाउन्नेमा सडक चिप्लीएर राजमार्ग अबरुद्ध भएको छ ।

इलाका प्रहरी कार्यालय दुम्कीवासका अनुसार दाउन्ने बजार, विश्वकर्मा मन्दिर नजिकमा बाटो चिप्लो भएका कारण गाडि हिडन नसकेर राजमार्ग अबरुद्ध भएको हो । महेन्द्रराजमार्ग हुदै पूर्व पश्चिम हिडेका गाडि प्रहरीले दुम्कीवास, अरुखोला, चोरमारा र बर्दघाट बजारमा गाडि रोकिदिएको छ । ति बजारमा महेन्द्रराजमार्ग हुदै पूर्व पश्चिम हिडेका सयौँ गाडि रोकिएका छन ।

दाउन्ने एकै ठाउमा गाडिकोचाप धेरै नहोस भनेर ति बजारमा गाडि रोकिदिएको प्रहरीले जनाएको छ । महेन्द्रराजमार्ग हुदै पूर्व पश्चिम हिडेका गाडिलाई कालिगण्डकी कोरीडरको बाटो प्रयोग गर्न प्रहरीले अनुरोध गरेको छ ।

दाउन्ने आसपासमा आइतवार बिहान २ बजेवाट झरी परिरहेको छ ।

महेन्द्रराजमार्गको दुम्कीवास बर्दघाट बिचको १४ किलोमिटर सडक दाउन्ने पहाडमा पर्दछ । त्यहा राजमार्ग निर्माण गर्न भन्दै ६ बर्ष अघि भत्काएको सडक मर्मत सम्हार नगर्दा धुलैधुलो छ । धुलोमा पानी परेपछि चिप्लीएर हिडन नसक्ने अबस्थाका कारण राजमार्ग अबरुद्ध भएको हो ।