“प्रेम ! कुनै दस्तावेज हैन” – कविता

१२६ पटक पढिएको

सी.जी. “निर्मलश्री”

भन्ने गर्थ्यौ तिमी
“ऊ मेरी हो”
कहिले बाट ??????
प्रेम वा समर्पण
कुनै दस्तावेज हो र ?
जसलाई दस्तखत गराएर
उसलाई आफ्नो
घोषणा गर्न सकिने ?……….
..
..
..
तिमीले उसलाई चाह्यौ
ऊसँग समय बितायौ
ऊसको मन्दमुस्कानबाट
उसको मृगनयनी हेराईबाट
आफ्नो थकान उतार्यौ
तर कहिले उसको उडानमा
आफ्नो हातको
उसलाई सहारा दियौ र ?………..
..
..
..
वास्तवमा तिमीलाई
प्रेम गर्न नै आएन —
भेटिनु,रोक्नु,
या फेरी राख्नु
तिम्रो प्रेम
घडीको सुई जस्तै थियो
जो समयको साथ साथै चल्ने गर्थ्यो
तर समय बाहिर पोखिन जान्थ्यो
विस्फोटन हुन जान्थ्यो
तिमीले सोच्यौ
प्रेम अधिकार हो
तर सत्य यो थियो
प्रेम कल्पनाको अनुमति हो
हो अनुमति
कसैलाई त्यहीँ राख्न दिने
जो तिमीबिना पनि
तिमीसँग रहन्छ………….

 

(चतुर्भुज गौतम)
टीकापुर १, कैलाली
हाल : मणिग्राम, रुपन्देही