२०८३ कार्तिक २, आईतबार

“जेन जी ! तिमीलाई दर्बिलो सलाम छ” (कविता)

प्रकाशित मिति: २०८२ भाद्र २६, बिहिबार

३८४ पटक पढिएको

सी.जी. “निर्मलश्री”

ढ्याम्म …………!

गोली हान्यो

हत्या गर्यो

आफ्नै शाखा सन्तानको

बंश विनाश गर्यो ……..

इतिहासको सबैभन्दा क्रुरता

इतिहासमा सबैभन्दा नालायकता

इतिहासकै सबैभन्दा घृणता

भाद्र तेईस बयासीमा देखियो

घटना राणा शासनकालमा पनि

भएको थियो

घटना पञ्चायतका

विभिन्न कालखण्डमा पनि

देखिएको थियो

घटना छयालीसमा समेत भएकै थियो

र घटना बैसठ्ठी त्रीसठ्ठीमा पनि भएको थियो

यी सबै घटना

निरंकुशताका शासनमा भएका थिए

राणा शासन

पञ्चायती शासन

संवैधानिक राजतन्त्रभित्र

राजाको प्रत्यक्ष शासन

सबै निरंकुश थिए

अहिलेका गणतन्त्रका हिमायतीहरुकै

कथन हुन् यी

तर यी सबै शासनभन्दा

प्रजातन्त्रको हिमायती भनिने

लोकतन्त्र वा गणतन्त्रको शासनमा जनता

ढ्याम्म ढ्याम्म पछारिएका छन्

कुनै महामारी रोगले हैन,

खाडीको जस्तै चरम गर्मीले हैन

जनताका हिमायती भनिने गणतन्त्रको

गणतान्त्रिक अभ्यासले

गोली ढ्यामढ्याम वर्षाईरहेको छ

सम्पूर्ण आन्दोलनमा नमारिएका नागरिक

एकैदिनमा मारिएको छ

मानौं यो गणतन्त्र हैन

हिटलरको शासन हो

आफ्नै छोरानाती पुस्तालाई वर्वरता बर्साउने

हिटलरको ग्याँस च्याम्बरको आतंक बिर्साउने

चरम दमनको कायरतामा

लम्पसार परेको छ गणतन्त्र

जेन जी ! मलाई माफ गर

म तिम्रो पुस्तामा पर्न सकिनँ

तिम्रो पुस्ताभन्दा केही माथिको भएछु म

हो ! छयालीसको आन्दोलनमा म

जेन जी पुस्तामा रहेछु

तर त्यो बेला जेन जी हैन

यिनै हिमायतीहरुलाई हाम्रो साथ थियो

धेरै सपना बाँडेका थिएँ

यिनीहरु चप्पलमा थिए

च्यातिएका कपडामा थिए

यिनी मात्र हैन जेन जी

बाउन्नमा उदाएका

गणतन्त्रको हिमायती मानिनेहरुसमेत

जनताका भरमा थिए

तर समयको बदलावसँगै

गणतन्त्रका नयाँ हिमायतीसमेत

लाखौँको रोयल्स रोय घडीमा सजिन्छन्

पिताको नाममा छोरीहरु

लाखौँको कुच्चीको ब्यागमा सजिन्छन्

हरेक नेताहरु

लाखौँको सुटमा सजिन्छन् भने

गणतन्त्रको हिमायतीबाट

देशमा आमूल परिवर्तन हुनेछैन जेन जी

आमूल परिवर्तन हुन

यी गणतान्त्रिक हिमायतीलाई

राजनीतिको चार भञ्ज्याङ्ग काटाउनै पर्छ

बंगलादेश, श्रीलंका, ट्युनिशियाको

जनताको आन्दोलन सम्झाउनै पर्छ

माफ गर जेन जी !

म तिम्रो समूहमा पर्न सकिनँ

तर शरीरमा रक्तसञ्चार

तिम्रो जस्तै भै रहेछ

जाऊ ! जेन जी !

यो सडक तिम्रै हो

लूटमारा, भ्रष्ट र ईतिहासका कलंकित

हरेक दल र राजनीतिक

आवरणका खोल ओढेकाहरुलाई

संसार परिवर्तनमा जेन जीले गरेको भूमिका

देखाई देऊ यो देशलाई

जेन जी पुस्तालाई समर्थन गर्न

माथिल्लो पुस्ताहरु अगाडि आउने नै छन्

हरेक नेपाली जेन जीको साथमा

दरिलो चट्टान भएर उभिने छ ………

चतुर्भुज गौतम

टीकापुर कैलाली

हाल : तिलोत्तमा ५ मणिग्राम, रुपन्देही

तपाइंलाई यो खबर पढेर कस्तो लाग्यो? मन पर्यो

मन पर्यो खुशी अचम्म उत्साहित दुखी आक्रोशित

प्रतिक्रिया दिनुहोस

ग्लोरियस मिडिया प्राइभेट लिमिटेड द्धारा संचालित

नवलपुर अनलाइन डट कम का लागि

कम्पनि दर्ता नं. ३०१९९५/०७९/०८०

सुचना तथा प्रसारण द.प्र.नं. ३७६५-२०७९/८०

प्रेस काउन्सिल सु.प्र.नं. ३७५४

गैंडाकोट, नवलपुर

९८४११८१७२६

[email protected]

हाम्रो टीम

संचालक: प्रकाश भण्डारी

सम्पादक: अनिता गैरे

स्रोतहरू खुलाइएका बाहेक नवलपुर अनलाइनमा प्रकाशित सम्पूर्ण सामग्रीहरू ग्लोरियस मिडिया प्राइभेट लिमिटेडका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।

“जेन जी ! तिमीलाई दर्बिलो सलाम छ” (कविता)

सिन्धुलीमा जिप सुनकोशी नदीमा खस्दा ३ जनाको मृत्यु, ३ बेपत्ता

यी हुन् कांग्रेसको १५औं महाधिवेशनबाट निर्वाचित २३१ पदाधिकारी र सदस्यहरू

क्यानडाले टस जित्यो, नेपालले पहिला बलिङ गर्दै

गण्डकी सहितका तीन प्रदेशमा मेघगर्जनसहित बर्षा हुने

हाम्रो टीम

साईट मेनु