रास्वपा नवलपुरको सभापतिमा दोमन बहादुर भण्डारी विजयी

६२ पटक पढिएको

नवलपुर- राष्ट्रिय स्वतन्त्र पार्टी नवलपुरको सभापतिमा दोमन बहादुर भण्डारी निर्वाचित भएका छन्।

निर्वाचन परिणामअनुसार भण्डारीले १४२ मत प्राप्त गर्दै विजय हासिल गरे। उनका निकटतम प्रतिस्पर्धी गोकुल सापकोटाले १३९ मत प्राप्त गरे भने कृष्ण शर्माले १३६ मत ल्याए। तीन उम्मेदवारबीच कडा प्रतिस्पर्धा भएको निर्वाचनमा भण्डारी ३ मतान्तरले विजयी बनेका हुन्।

यस्तै, उपसभापतिमा जगबहादुर राना, सचिवमा सुदीप न्यौपाने तथा सहसचिवमा सन्तबहादुर ठाडा मगर निर्वाचित भएका छन्।

जिल्ला अधिवेशनअन्तर्गत भएको निर्वाचनमा कुल ४३३ मत खसेको थियो।