२४ घण्टामा देशभर सवारी दुर्घटनामा १० को मृत्यु , १४९ जना घाइते

२३ पटक पढिएको

काठमाडौँ । पछिल्लो २४ घण्टामा देशका विभिन्न स्थानमा भएका सवारी दुर्घटनामा १० जनाको मृत्यु भएको छ भने १४९ जना घाइते भएका छन्।

नेपाल प्रहरीले दिएको जानकारी अनुसार दुर्घटनामा लुम्बिनी प्रदेशमा ४ जनाको मृत्यु भएको छ भने कर्णाली प्रदेशमा ३ जना, मधेश प्रदेशमा २ र सुदूरपश्चिममा एक जनाको मृत्यु भएको छ ।

त्यस्तै देशभर भएका दुर्घटनामा १४९ जना घाइते भएका छन् । जस अनुसार मधेश प्रदेशमा ५० जना घाइते भएका छन् भने कोशीमा २२ जना, काठमाडौँ उपत्यकामा ११ जना, सुदूरपश्चिममा १२ जना, बागमतीमा ७ जना घाइते भएका छन् भने लुम्बिनीमा १८ जना, कर्णालीमा १८ जना र गण्डकीमा ११ जना घाइते भएका छन् ।