पश्चिम नवलपरासीबाट ५ लाख मुल्य बराबरको अवैध मालसामान बरामद

४५५ पटक पढिएको

पश्चिम नवलपरासीको बिभिन्न स्थानबाट प्रहरीले ५ लाख ४१ हजार ६ सय मुल्य बराबरको बिभिन्न अवैध मालसामान गरेको छ ।

अस्थायी प्रहरी पोष्ट ज्यामिरेबाट खटिएको प्रहरी टोलीले पुर्व-पश्चिम राजमार्गको सुनवल नगरपालिका वडा नं. ७ ज्यामिरे स्थित पश्चिमबाट पुर्व तर्फ जादै गरेको  लु २ ख १९९३ नम्बरको  बसलाई चेकजाँच गर्ने क्रममा उक्त बसको डिक्की भित्र बेबारिसे अबस्थामा माईक्रो ओभेन २ थान, ल्यापटप १० थान,  सिलिङ फेन २८ थान, पानी फिल्टर १ थान, ईन्भटर व्याट्री २ थान, साउण्ड सिस्टम १ थान लगायतका मालसामान फेला पारि तत्काल बरामद गरेको हो ।

बरामद सामानको जम्मा मुल्य ५ लाख ४१ हजार ६ सय बराबर रहेको छ। उक्त सामान भन्सार कार्यालय बुझाउने प्रक्रिया भैरहेको प्रहरी नायव उपरीक्षक प्रेम बहादुर शाहीले बताउनुभयो।

त्यसै भारतबाट अवैध रुपमा नेपाल तर्फ ल्याउदै गरेको ४० हजार मुल्य बराबरको १६० केजी अवैध माछा सिमा प्रहरी चौकी महेशपुरबाट खटिएको प्रहरी टोलीले पाल्हिनन्दन गाउँपालिका वडा नं. १ झरही खोला स्थितबाट बरामद गरेको छ।