चितवनमा चैत ९ देखि पाचौँ राष्ट्रिय कृषि यान्त्रीकरण प्रदर्शनी

२५९ पटक पढिएको

चितवन: पाचौँ राष्ट्रिय कृषि यान्त्रीकरण प्रदर्शनी भोली चैत्र ९ देखि चितवनमा संचालन हुनेभएको छ ।

चितवन प्रदर्शनी केन्द्रमा हुने कृषि यान्त्रीकरण प्रदर्शनीमा कृषि यन्त्र, औजार, उपकरण तथा प्रविधिको बृहत् प्रदर्शनी गरिने छ ।

कृषि पूर्वाधार विकास तथा कृषि यान्त्रीकरण प्रवर्द्धन केन्द्र, नेपाल कृषि मेशिनरी व्यवसायी संघ र प्रधानमन्त्री कृषि आधुनिकीकरण परियोजनाको संयुक्त आयोजनामा ९ देखि १२ चैतसम्म हुने यान्त्रीकरण प्रदर्शनीमा १५० भन्दाबढी प्रदर्शनीकर्ता रहने आयोजकले जनाएका छन्।

प्रदर्शनीमा निःशुल्क प्रवेशको व्यवस्था गरिएको छ । चार दिनसम्म चल्ने प्रदर्शनीको एक लाखभन्दा बढीले अवलोकन गर्ने अनुमान गरिएको छ।

‘एकै थलोमा कृषि सम्बन्धी आधुनिक प्रविधि, विभिन्न कृषि औजार, उपकरण तथा सेवाका बारेमा कृषकहरूलाई जानकारी गराउन प्रदर्शनी आयोजना गरिएको नेपाल कृषि मेशिनरी व्यवसायी संघका अध्यक्ष खोजराज कटुवालले बताए । कृषि यान्त्रीकरण प्रदर्शनी हरेक दुई वर्षमा आयोजना गर्ने गरिएको छ।