स्थगित भएका विभिन्न १५ ठाउँमा आज मतदान हुँदै

४०५ पटक पढिएको

काठमाडौँ: वैशाख ३० गते मतदान स्थगित भएका विभिन्न १५ ठाउँमा आज मतदान हुँदै छ।

हुम्लाको चंखेली नगरपालिका वडा नम्बर २, बाराको पचरौता नगरपालिका नेरा प्रावि वडा नम्बर २, श्रीनगर प्रावि र पचौतारा वडा नम्बर ४ र तनहुँको व्यास नगरपालिका वडा नम्बर ४ मा आज निर्वाचन हुन लागेको छ।

रौतहटको देवी गोनाही नगरपालिका वडा नम्बर १ र २, गढीमाई नगरपालिका ३ र ६, बौधिमाई नगरपालिका १, २, ९ र गरुडा नगरपालिका वडा नम्बर ७ मा निर्वाचन हुन लागेको हो।

निर्वाचन सम्पन्न भएपछि आजै ती स्थानहरूमा मतगणना प्रारम्भ हुने निर्वाचन आयोगले जनाएको छ।