२०८१ जेष्ठ ७, सोमबार
कालिकोटको तिलागुफा नगरपालिका-४ राँचुली गाउँमा मलामी गएका १५ जना व्यक्तिहरू सम्पर्कविहीन भएका छन्।
स्थानीय युवक हेमराज शाहीको मलामी गएका उनीहरूलाई माथिबाट पहिरोले बगाएको भन्ने स्थानीयले खबर गरेपछि प्रहरी त्यसतर्फ लागेको कालिकोट प्रहरी प्रमुख डिएसपी जयश्वर रिमालले केटिएम दैनिकलाई बताए ।
हिजो दिउँसो १ बजे आसपासमा घटना भएको भएतापनि प्रहरीकोमा आज बिहान मात्र स्थानीयले खबर गरेका थिए ।
उनका अनुसार उक्त स्थान सदरमुकामबाट ४२ किलोमिटर टाढा पर्दछ । सडकका विभिन्न स्थानमा पहिलो गएको कारण मोटरसाइकल समेत उक्त स्थानमा पुग्न सक्ने अवस्था छैन ।
त्यस ठाउँमा दुबैतिरबाट पहिरो गएको हुनाले नजिकै रहेको प्रहरी कार्यालयबाट खटिएका प्रहरीहरू पनि घटनास्थलमा पुग्न नसकेको डिएसपी रिमालले बताए ।
सञ्चार नेटवर्कले काम नगर्ने भएको हुनाले अर्को स्थानमा आइपुगेर खबर गर्नुपर्ने अवस्था छ । सञ्चार सम्पर्क नभएको कारण थप विवरण प्राप्त हुन सकेको छैन ।
ग्लोरियस मिडिया प्राइभेट लिमिटेड द्धारा संचालित
नवलपुर अनलाइन डट कम का लागि
कम्पनि दर्ता नं. ३०१९९५/०७९/०८०
सुचना तथा प्रसारण द.प्र.नं. ३७६५-२०७९/८०
प्रेस काउन्सिल सु.प्र.नं. ३७५४
गैंडाकोट, नवलपुर
९८४११८१७२६
संचालक: प्रकाश भण्डारी
सम्पादक: अनिता गैरे