चितवनमा स्कुटरको ठक्करबाट पैदलयात्रीको मृत्यु

साँझ करिब ६:३० बजेको समयमा चितवनको राप्ती नगरपालिका २ सिमराचोकमा बा प्र ०२५६ प १११५ नं को स्कुटरले पैदल यात्रुलाई ठक्कर दिँएको थियो।

स्कुटरको ठक्करबाट गम्भीर घाइते भएका रौतहट माधव नारायण नगरपालिका ८ बस्ने बर्ष २४ को रुपेश राय यादवको पुरानो मेडिकल कलेजमा उपचारको क्रममा ७:४५ बजेको समयमा मृत्यु भएको जिल्ला प्रहरी कार्यालय चितवनले जानकारी दिएको छ।

स्कुटर चालक राप्ती नगरपालिका २ बस्ने बर्ष १८ को दिपेश गौतमको नाक र टाउकोमा चोट लागेको छ। उनको पुरानो मेडिकल कलेजमा उपचार भैरहेको छ। घटनास्थलबाट प्रहरीले स्कुटर नियन्त्रणमा लिएको छ भने घटनाको बारेमा थप अनुसन्धान भैरहेको जानकारी दिएको छ।