घरजग्गा र सेयर कर्जाको भार पुनरावलोकन हुने

१४६ पटक पढिएको

राष्ट्र बैंकले सेयर धितो कर्जा, रियल स्टेट कर्जा तथा हायर पर्चेज कर्जामा राखेको जोखिम भार पुनरावलोकन गर्ने भएको छ।

आइतबार आर्थिक वर्ष २०८०/८१ को लागि मौद्रिक नीति सार्वजनिक गरेको राष्ट्र बैंकले यस्तो उल्लेख गरेको हो।

नीतिमा भनिएको छ, ‘सेयर धितो कर्जा, रियल स्टेट कर्जा तथा हायर पर्चेज कर्जाका विद्यमान जोखिम भारसम्बन्धी व्यवस्था पुनरावलोकन गरिनेछ।’

हाल, सेयर धितोमा प्रवाह हुने कर्जाको जोखिम भार २५ लाख रुपैयाँसम्मको कर्जाको हकमा एक सय प्रतिशत र सोभन्दा माथिको कर्जाको हकमा जोखिम भार १५० प्रतिशत राख्नुपर्ने व्यवस्था छ।

त्यस्तै, रियल स्टेटमा र अटो मोबाइल्समा पनि १५० प्रतिशत जोखिम भार राख्नुपर्ने व्यवस्था छ।