नारायणी नदीमा पौडी खेल्ने क्रममा एक जना वेपत्ता

१२४ पटक पढिएको

भरतपुर । नारायणी नदीमा पौडी खेल्ने क्रममा एक जना किशोर वेपत्ता भएका छन् ।

सोमबार दिउसो भरतपुर महानगरपालिका १ स्थित जोरकुसुम पार्क नजिकै नारायणीमा पौडी खेल्न गएका भरतपुर २ का १३ बर्षिय अमन ठकुरी वेपत्ता भएका हुन् ।

पौडी खेल्नेक्रममा उनलाई बाढीले बगाएको जिल्ला प्रहरी कार्यालय चितवनले जानकारी दिएको छ ।

ठकुरी अफ्नै उमेर समुहका साथिहरुसंग पौडी खेल्न नारायणीमा गएका थिए । नेपाल प्रहरी विपत तालिम प्राप्त टोलीले उनको खोजी कार्य गरिरहेको र फेला नपारेको प्रहरीले जनाएको छ । नारायणी नदीमा पौडी खेल्ने क्रममा पटक–पटक डुवेर मान्छेको मृत्यु हुने गरेको छ ।