नारायणगढ–मुग्लिन सडक १२ बजेसम्म खुल्ने सम्भावना

१६७ पटक पढिएको

नारायणगढ–मुग्लिन सडकको तोपेखोला नाम्सी पुल नजिकै झरेको पहिरोका कारण हिजो बेलुका ८ बजेदेखि सडक पूर्ण रूपमा अवरूद्ध भएको छ।

रातिबाटै एउटा लोडर र एउटा स्काभेटरले पहिरो पन्छाउन थालिएको थियो।  आज विहानदेखि ३ वटा लोडर र २ वटा स्काभेटर प्रयोग गरेर पहिरो पन्छाउने प्रयास भइरहेको सडक डिभिजन कार्यालय भरतपुरका ईन्जिनियर सागर कार्कीले बताए।

   

पुन: पहिरो नझरी निरन्तर पहिरो हटाउन सकिएको खण्डमा दिउँसो १२ बजेसम्ममा पहिरो पन्छाइसकिने बताए।