रुसी सेनामा कार्यरत थप एक नेपालीको मृत्यु, चार जना युक्रेनमा बन्दी

परराष्ट्र मन्त्रालयले बुधबार एक विज्ञप्ति प्रकाशित गरी रुसी सेनामा कार्यरत कुन्दन सिंह नागलको निधन भएको जनाएको छ ।

यसअघि रुसी सेनामा कार्यरत ६ जना नेपालीको मृत्यु भएको थियो । मन्त्रालयले रुसी सेनामा भर्ना भई निधन भएका नेपाली नागरिकहरुको शव यथाशीघ्र नेपाल पठाउन तथा घाइते लगायतका पीडित परिवारहरुलाई क्षतिपूर्ति उपलब्ध गराउन नेपालका लागि रुसका राजदूत मार्फत पुनः अनुरोध गरिएको जनाएको छ ।

त्यसैगरी, नेपाली नागरिकलाई रुसी सेनामा भर्ना नगर्न र भर्ना गरिएका नेपाली नागरिकलाई तत्काल नेपाल फर्काउन समेत रुसी सरकारलाई पुनः आग्रह गरिएको छ ।