कालिका मेडिकल कलेजमा एसइइ दिएर बसेका विद्यार्थीका लागि तयारी कक्षा सुरु हुँदै

१११३ पटक पढिएको

गैँडाकोट । नवलपुरको गैँडाकोटमा रहेको कालिका मेडिकल कलेजले एसइइ दिएर बसेका विद्यार्थीहरुका मध्यनजर गर्दै वैसाख ९ गतेदेखि प्रवेश परिक्षा तयारी कक्षा सुरु गरेको हो ।

गैँडाकोट नगरपालिका वडा नं. ५ मा स्थित कालिका मेडिकल कलेजले बैसाख ९ गतेदेखि वैसाख २० गतेसम्म कलेजमा आएका विद्यार्थीहरुका लागि प्रवेश परिक्षा तयारी कक्षामा समावेश गरिने कलेजले जनाएको छ ।

कालिका मेडिकल कलेजमा स्टाफ नर्स, एचए, ल्याव–टेक्निसियन, फिजियोथेरापी र रेडियोग्राफी र सिभील सव ओभरसियर जस्ता बिषयहरू पढ्न इच्छुक विद्यार्थीहरुका लागि तयारी कक्षा सुरु गरिएको कलेज प्रशासन प्रमुख सम्झना श्रेष्ठले बताउनुभयो।

गण्डकी प्रदेशमै एकमात्र फिजियोथेरापी पढाई सञ्चालन गर्दै आएको कालिका मेडिकल कलेज नवलपुर जिल्लाको एकमात्र नर्सिङ अध्यापन गराईरहेको कलेज हो।

आधुनिक ल्याव, आफ्नै अस्पताल, प्रयोगात्मक प्रयोगशाला, डाक्टर तथा नर्सहरुबाट अध्यापन गराउने , दक्ष जनशक्ति तथा गुणस्तरीय शिक्षाका कारण कालिका मेडिकल कलेजले चितवन नवलपुर र यस आसपासका क्षेत्रमा आफ्नो अलग्गै पहिचान बनाउन सफल भएको छ ।