राष्ट्रिय परिचयपत्रको नम्बर र प्रिन्टको अवस्था कसरी थाहा पाउने?

राष्ट्रिय परिचयपत्र नागरिकहरुको वैयक्तिक तथा जैविक विवरण समावेश भएको राष्ट्रिय पहिचान सहितको बायोमेट्रिक सुविधायुक्त बहुउपयोगी प्रमाणपत्र हो।

नेपाली नागरिकको वैयिक्तक तथा जैविक विवरण सहितको परिचय खुल्ने गरी विद्युतीय प्रणालीबाट तथ्यांक तथा अभिलेख तयार गरी सुरक्षित भण्डारण व्यवस्थापन, उपयोग र नियन्त्रण गर्ने सो तथ्यांकको आधारमा राष्ट्रिय परिचय नम्बर सहितको बहुउपयोगी राष्ट्रिय परिचयपत्र उपलब्ध गराउनका लागि राष्ट्रिय परिचयपत्र तथा पञ्जिकरण बिभागले बिगत ४ बर्षदेखि ७३ वटा जिल्लाका स्थानीय तहमा विवरण दर्ता अभियान संचालन गरिसकेको छ।

हाल सबै जिल्ला प्रशासन कार्यालय र ५४ वटा इलाका प्रशासन कार्यालय तथा जिल्लाका स्थानीय तहबाट विवरण संकलनको कार्य भैरहेको अवस्था छ।

राष्ट्रिय परिचयपत्र व्यवस्थापन सूचना प्रणालीको विकास गरि नागरिकका सूचना थप विवरणहरु एकीकृत रुपमा राख्ने र यसलाई राज्यबाट उपलब्ध हुने सेवा सुविधामा आवद्व गर्न बिभागले राष्ट्रिय परिचयलाई अनिवार्य बनाईएको छ।

राहदानी बिभागले पछिल्लो समय नयाँ पासपोर्ट बनाउँदा अनिवार्य रूपमा राष्ट्रिय परिचयपत्र नं हुनुपर्ने प्रावधान समेत राखेको छ। साथै नयाँ नागरिकता बनाउन जिल्ला प्रशासन गएका नागरिकहरूका लागि समेत प्रशासन कार्यालयले सोही ठाउँबाट राष्ट्रिय परिचयपत्रका लागि फोटो खिच्ने समेत व्यवस्था मिलाएका छन्।

हालै मात्र नेपाल सरकार मन्त्रिपरिषदको २०८१ जेठ २४ गतेको निर्णयानुसार पहिलो चरणमा २८ जिल्लामा आगामी साउन १ गतेदेखि सामाजिक सुरक्षा भत्ता नवीकरण गर्न राष्ट्रिय परिचयपत्र अनिवार्य बनाएको छ। सोही कारण पहिलो चरणमा तोकिएका २८ जिल्ला बाहेकका जिल्लाका जिल्ला प्रशासन र स्थानीय तहका कार्यालयमा राष्ट्रिय परिचयपत्र बारेमा बुझ्न आउनेको लामै भिडभाड लाग्ने गरेको छ। सोही राष्ट्रिय परिचयपत्रको अवस्था र नम्बर थाहा पाउनका लागि बिभागले वेबसाइटमार्फत खोज्न सकिने व्यवस्था मिलाएको छ। राष्ट्रिय परिचयपत्र नं र प्रिन्टको अवस्था बुझ्नकै लागि जिल्ला प्रशासन र स्थानीय तहमा जानुनपर्ने र घरमै बिभिन्न इलेक्ट्रोनिक डिभाइसहरूबाट तलको प्रकृया पूरा गरि खोज्न र आफै हेर्न सकिनेछ।

तल दिईएको लिङ्कमा क्लिक गरेर राष्ट्रिय परिचय पत्र दर्ता नम्बर (रिक्वेष्ट नं.) बाट परिचयपत्र नं थाहा पाउन सकिन्छ भने सोही लिङ्कको तलपट्टि रहेको अर्को अप्सनबाट भने कार्ड प्रिन्ट भए नभएको बारे जानकारी लिन सकिन्छ।

यदि माथि दिईएको लिङ्कबाट पनि राष्ट्रिय परिचय पत्रको नम्बर थाहा हुन नसकेको खण्डमा तल दिईएको लिङ्क प्रयोग गरेर थप विवरण उपलब्ध गराई राष्ट्रिय परिचय पत्र बारे जानकारी लिन सकिन्छ।

सम्पर्क नम्बर : ०१-४२०००१४, ०१-४२११५६३ र ०१-४२००८९४

WhatsApp (message मात्र) : ९८४७३४६४१२, ९८५१३००५२० र ९८५१३१६०३४