चितवनमा मोटरसाइकल दुर्घटनामा दुई युवकको मृत्यु

१८१ पटक पढिएको

असोज ५ – मोटरसाइकल अनियन्त्रित भई दुर्घटना हुँदा मोटरसाइकलमा सबार दुई युवकको मृत्यु भएको छ।

बिहान करिब १:२० बजेको समयमा भरतपुर महानगरपालिका २ लिलाचोक स्थित भित्री सड्क खण्डमा शहिदचोकबाट पोखरा बसपार्क तर्फ जाँदै गरेको बा.प्र.०६-००२ प ३१४५ नम्बरको NS मोटरसाइकल आफै अनियन्त्रित भई दुर्घटना भएको थियो।

मोटरसाइकल चालक नवलपुरको गैंडाकोट नगरपलिका ५ काङग्रेसचोक बस्ने बर्ष २६ को रबिन थापा गम्भिर घाईते भई नयाँ मेडिकल कलेज भरतपुरमा उपचारको क्रममा बिहान ०२:०२ बजेको समयमा मृत्यु भएको जिल्ला प्रहरी कार्यालय चितवनले बताएको छ।

मोटरसाइकलको पछाडी सवार जिल्ला लमजुङ दुधपोखरी गाउँपालिका ६ बस्ने बर्ष ४० को पुर्ण बहादुर गुरुङ समेत गम्भिर घाईते भई नयां मेडिकल कलेज भरतपुरमा उपचार भई रहेकोमा निजको समेत बिहान ०१:५४ बजेको समयमा मृत्यु भएको हो। मोटरसाइकल प्रहरीको नियन्त्रणमा छ भने घटनाको बारेमा थप अनुसन्धान भैरहेको प्रहरीले बताएको छ।