नारायणगढ–मुग्लिन सडकमा सवारी ठोक्किँदा चारको मृत्यु, छ घाइते

४९० पटक पढिएको

चितवन —नारायणगढ-मुग्लिन सडकखण्डको भरतपुर महानगरपालिका–२९ सत्रकिलो भन्ने स्थानमा शुक्रबार बिहान तीन बजे माइक्रोबस र बस ठोक्किँदा ४ जनाको मृत्यु भएको छ ।

गोरखा जिल्ला आरुघाट गाउँपालिका–१ मान्बुका अन्दाजी ४०/४२ वर्षका राजबहादुर गुरुङको मृत्यु भएको जिल्ला प्रहरी कार्यालय चितवनले जनाएको छ। त्यसैगरी चितवन मेडिकल कलेज भरतपुरमा रहेको शिक्षण अस्पतालमा गम्भीर अवस्थामा उपचार भइरहेकी अन्दाजी ४० वर्षकी महिलाको पनि मृत्यु भएको छ ।

उपचारका क्रममा अन्दाजी ३२ वर्षका पुरुष र ३५ वर्षका अर्को पुरुषको पनि मृत्यु भएको प्रहरीले जनाएको छ । नाम ठेगाना नखुलिसकेका यी तीनैजना माइक्रोबसका यात्रुहरू रहेका छन्।

दुर्घटनामा घाइते भएकामध्ये थप दुई जनाको अवस्था गम्भीर रहेका छन् । मृत्यु हुने र गम्भीर घाइते हुने अधिकांक्क माइक्रोबसका यात्रुहरू रहेका छन् । बसमा सबार चार जना सामान्य घाइते भएका छन् ।

मुग्लिनबाट नारायणगढतर्फ आउँदै गरेको बा प्र ०६–००१ज ०२९८ नम्बरको विद्युतीय माइक्रोबस र नारायणगढबाट मुग्लिनतर्फ जाँदै गरेको बा प्र ३–००१ ख २८१२ नम्बरको बस ठोक्किएको रिजालले बताए ।