चितवन उद्योग संघको ३३ औं बार्षिक साधारण सभा सम्पन्न

१४६ पटक पढिएको

भरतपुर/वागमती प्रदेश सरकारका मुख्यमन्त्री बहादुर सिंह लामाले नेपालमै उद्यमशिलताको प्रबद्र्धन गरी देशमै रोजगारी सिर्जना गर्ने वातावरण तयार गर्नुपर्ने बताउनुभयो ।
चितवन उद्योग संघको ३३ औं बार्षिक साधारण सभालाई सम्बोधन गर्दै कार्यक्रमका प्रमुख अतिथि मुख्यमन्त्री लामाले राज्यले उद्योगी, व्यवसायमा लाग्न चाहनेहरुलाई उत्पे्ररित गरी उद्योगमैत्री योजनाहरु ल्याउनु पर्ने बताउनुभयो ।
त्यस्तै विशिष्ट अतिथि चितवन क्षेत्र नं. २(ख) का बागमती प्रदेश सभा सदस्य उत्तम जोशीले नेपालका उद्योगबाट नै देशको अर्थतन्त्रलाई चलायमान हुने हुँदा उद्योगहरु सञ्चालनका लागि पर्ने नीतिगत समस्याहरुमा परिमार्जित हुन जरुरी रहेको बताउनुभयो । त्यस्तै जिल्ला समवन्य समिति चितवनका प्रमुख नारायण प्रसाद अधिकारीले स्थानीय तहमा सञ्चालन हुने उद्योगले रोजगारीको सिर्जनाको गर्न टेवा पुग्ने हुँदा स्थानीयस्तरमा रहेका उद्योगहरुलाई एकै ठाउँबाट सञ्चालन गर्ने अवधारणाको विकास हुन जरुरी रहेको बताउनुभयो ।
त्यस्तै नेपाल उद्योग परिसंघका कार्य बाहक अध्यक्ष वीरेन्द्रराज पाण्डेले देशको अर्थतन्त्रमा महत्वपूर्ण हिस्सा ओगटेको उद्योगी, व्यवसायीहरुलाई सरकारको नीतिगत व्यवस्थाहरुको कारण अल्झ्याउने काम भईरहेको बताउनुभयो ।
त्यस्तै साधारणसभाको अवसरमा नेपाली कांग्रेस चितवनका सभापति राजेश्वर खनाल, नेकपा माओवादी केन्द्र जिल्ला समन्वय समिति चितवनका अध्यक्ष रामचन्द्र अधिकारी, राष्ट्रिय प्रजातन्त्र पार्टीका अध्यक्ष रुद्र ढकाल, नेपाल कम्युनिष्ट पार्टी एकीकृत समाजवादीका अध्यक्ष नरेन्द्र कुमार कन्दङ्वा, राष्ट्रिय स्वतन्त्र पार्टीका सभापति कृष्ण प्रसाद भुषाल, इच्छाकामना गाउँपालिकाका उपाध्यक्ष माया सिलवाल, चितवनका प्रमुख जिल्ला अधिकारी प्रकाश पौडेल, बागमती प्रदेश उद्योग परिसंघका बरिष्ठ उपाध्यक्ष त्रिलोचन कँडेल, उद्योग वाणिज्य संघ चितवनका अध्यक्ष सुमन कुमार श्रेष्ठ, चितवन चेम्बर अफ कमर्शका अध्यक्ष गोपाल भट्टराई लगायतले कार्यक्रमको सफलताको शुभकामना व्यक्त गर्नुभएको थियो ।
चितवन उद्योग संघका कार्य बाहक अध्यक्ष मदन घिमिरेले स्वागत मन्तव्य सहित वार्षिक प्रतिवेदन प्रस्तुत गर्नुभएको कार्यक्रममा उद्यमी सन्देश –२०८१ को विमोचन समेत गरिएको थियो ।
साधारणसभाको अवसरमा चितवन उद्योग संघको स्थापनाको मर्म र भावनको उच्चतम् आत्मसाथ गर्दै संस्थागत गरिमा उच्च बनाउने हरेक अभियानमा मन, वचन र कर्मले कटिबद्ध भई संघका अभियानहरुलाई कार्यान्वयन गराउन पालिका समिति मार्फत खेल्नु भएको भूमिकाको मूल्याङ्कनमा उत्कृष्ट पालिका समिति मध्येबाट चितवन उद्योग संघ, माडी समिति र संघमा कार्यक्रम तथा गतिविधिहरु सम्पन्न गर्ने सन्दर्भमा तोकिएको जिम्मेवारी अथक मेहनत, इमान्दारीता एवम् दृढताको साथ सम्पन्न गर्न खेल्नु भएको भूमिकाको उच्च मूल्याङ्कन गर्दै कर्मचारीतर्फ संघका कार्यालय सहायक भरतपुर–९, चितवन निवासी प्रेमकला भुजेललाई नगद पुरस्कार सहित दोसल्लाले सम्मान गरिएको थियो ।
साधारणसभामा चितवन उद्योग संघका पदाधिकारी एवम् सदस्यहरु, पूर्व कार्यसमिति क्लवका पदाधिकारी एवम् सदस्यहरु, पालिका समितिका अध्यक्ष, पदाधिकारी एवं सदस्यहरु, महिला तथा युवा उद्यमी मञ्चका पदाधिकारी एवं सदस्यहरु लगायतको उपस्थिति रहेको थियो ।
त्यस्तै साधारणसभाको अवसरमा मायाको चिनो दिने खर्च व्यवस्थापन गरी नेपाल पत्रकार महासंघ चितवन शाखा मार्फत क्यान्सर पीडित पत्रकार भुपराज पाठक र संगीता बानियाँको उपचारको लागि रु ५१,०००।– सहयोग प्रदान गरियो ।
यसैबीच चितवन उद्योग संघको ३३ औं बार्षिक साधारण सभाको अवसरमा सम्पन्न बन्द सत्र कार्यक्रम चितवन उद्योग संघका कार्यबाहक अध्यक्ष मदन घिमिरेको अध्यक्षतमा सम्पन्न भएको थियो । बन्द सत्रमा उपाध्यक्ष एवम् आर्थिक, योजना तथा निर्माण विभागका प्रमुख गजेन्द्र अधिकारीले आ.व.२०८०÷०८१ को आर्थिक प्रतिवेदन, कार्यकारी निर्देशक गणेश प्रसाद सिलवालले संघको वार्षिक प्रगति प्रतिवेदन प्रस्तुत गर्नुभएको थियो । प्रस्तुत प्रतिवेदन माथि सभाले छलफल गरी अनुमोदन समेत गरिएको थियो ।
सभामा पूर्व अध्यक्षहरुको तर्फबाट पूर्व अध्यक्ष हरि प्रसाद सुवेदी, चितवन उद्योग संघ, पूर्व अध्यक्ष मण्डलका अध्यक्ष त्रिलोचन कँडेल, चितवन उद्योग संघ, गभर्निङ काउन्सिलका अध्यक्ष भेषराज दुवाडीले साधारणसभाको सफलताको शुभकामना व्यक्त गर्नुभएको थियो ।
चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको कार्यक्रमलाई चितवन उद्योग संघका उपाध्यक्ष गजेन्द्र अधिकारीले धन्यवाद मन्तव्य सहित कार्यक्रमको समापन गर्नुभएको थियो ।