फेवातालको सीमा क्षेत्रमा पिल्लरहरु गाड्ने कार्य शुरु

यस अभियानले पोखराको पर्यावरण, प्राकृतिक सम्पदा र सांस्कृतिक पहिचान जोगाउन ऐतिहासिक महत्त्व राख्ने उल्लेख गर्दै उहाँले झन्डै १८ महिनाको निरन्तर प्रयासपछि फेवातालको हाई फ्लड विन्दुका आधारमा तालको सिमाना यकिन गरिएको बताए।

उहाँका अनुसार तालको करिब १६ किलोमिटर परिधिमा १ हजार ५५ सीमा स्तम्भहरू गाडिनेछन् । यसपछि मापदण्ड भित्र पर्ने जग्गा र संरचनाहरूको नियमानुसार क्षतिपूर्तिको व्यवस्था सहित अवैधानिक रूपमा बसेकाहरूलाई खाली गर्न आह्वान गरिनेछ । साँचो अर्थमा फेवा बनाउने अभियानलाई यथार्थमा परिणत गर्ने कार्यमा आवश्यक सहयोग तथा सहजिकरणका लागि उनले आह्वान गरेका छन्।

सर्वोच्च अदालतको आदेशअनुसार फेवातालको सिमाङ्कन गरिएको महानगरपालिकाले जनाएको छ । यस कार्यमा तिनै तहका सरकारहरू एक साथ उभिएका छन् ।