ब्राजिलमा २१ जना सवार हट एयर बेलुन दुर्घटना, आठ जनाको मृत्यु

सान्टा क्याटररिना राज्यका गभर्नर जोर्गिन्हो मेलोले दुर्घटनाबारे जानकारी गराएका हुन् । दुर्घटनामा परेको बेलुनमा २१ जना सवार थिए । शनिबार बिहान प्राइया ग्रान्डे सहरमा यो घटना भएको थियो ।

पाइलटका अनुसार बक्साभित्रबाट आगो बल्न सुरू भएपछि उनले बेलुनलाई तलतिर झार्दै थिए । बेलुन जमिनको निकै नजिक पुग्दा ती पाइलटले  मानिसहरूलाई बेलुनबाट हामफाल्न भनेका थिए । सोही अनुसार केहीले हामफाले भने कतिपयले हाम फाल्न सकेनन् ।