कावासोतीमा संचालन हुने तान्त्रिक झांक्री शिविरलाई प्रशासनले दिएन अनुमति

१०८ पटक पढिएको

साउन २- नवलपुरको कावासोती–३ मा १० दिनसम्म संचालन हुन लागेको तान्त्रिक शिविर संचालनको अनुमति जिल्ला प्रशासन कार्यालयले रोकेको छ।

झाक्री शिविर सञ्चालन गरेर बिरामीको उपचार गर्ने भन्दै नेपाल तान्त्रिक झाक्री संघ केन्द्र काठमाडौँले जिल्ला प्रशासन समक्ष शिविर संचालनका लागि अनुमति मागेको थियो।

असार ३० गते जिल्ला प्रशासनले च.नं. ५२८८ को पत्र मार्फत जिल्ला प्रहरी कार्यालय नवलपुरलाई आबश्यक शान्ती सुरक्षा कायम गर्न भन्दै पत्र लेखेको थियो। उक्त पत्रमा नेपाल तान्त्रिक झाक्री संघ केन्द्र काठमाडौँलाई समेत बोधार्थ दिईएको थियो।

आज साउन २ गते बिहान १०:५३ बजे जिल्ला प्रशासन कार्यालय नवलपुरले च.नं. ५२८९ मिति २०८२।०३।३० गतेको पत्र फेसबुकमा अपलोड गर्दे उक्त झाक्री कार्यक्रम गर्नका लागि अनुमति नदिईएको उल्लेख गरेको छ।