दैलेखमा चट्याङले तीन जना घाइते, दुई जनाको श्रवण शक्ति गुम्यो

९८ पटक पढिएको

तेजेन्द्र शाही, दैलेख -शनिबार राति परेको चट्याङका कारण जिल्लाको दुई फरक ठाउँमा गरी तीन जना घाइते भएका छन्।

नारायण नगरपालिका–३ निवासी १९ वर्षीय तिलक रेग्मी चट्याङको झिल्काले टाउको र बायाँ खुट्टामा भित्री चोट लागेको छ।

त्यसैगरी , जिल्ला प्रहरी कार्यालय, दैलेख का अनुसार महाबु गाउँपालिका–१ निवासी लक्ष्मी बयक चट्याङको असरले कान नसुन्ने, टाउको र छाती दुख्ने समस्याबाट पीडित भएकी छन्।

उहाँका १७ वर्षीय छोरा राजेश बयकको पनि कान नसुन्ने अवस्थामा पुगेका हुन्।