भदौ १९ गतेदेखि चितवनमा “तेस्रो महिला उद्यमी मेला २०८२” हुने

चितवन उद्योग बाणिज्य संघ अन्तर्गतको महिला उद्यमी विकास समितिको आयोजनामा यहि भदौ १७ गतेदेखि २३ गतेसम्म “महिला उद्यमी मेला २०८२” को आयोजना गर्न लागिएको आज आयोजित पत्रकार सम्मेलनमा संघका अध्यक्ष सुमन कुमार श्रेष्ठले जानकारी दिनुभयो।

जिल्ला लगायत यस वरपर क्षेत्रमा रहेका घरेलु तथा लघु उद्यमी महिलाद्धारा उत्पादन गरिएका वस्तुहरुको आवश्यक प्रचार प्रसार गर्दै महिला हरुलाई आत्मनिर्भर बनाउने र सम्भावित उद्यमीहरु (खास गरि गृहणी महिलाहरु) लाई उद्यमशिलता तर्फ उन्मुख बनाउने उद्देश्यले यस कार्यक्रमको आयोजना गरीएको श्रेष्ठको भनाई छ।

चितवन उद्योग वाणिज्य संघ अर्न्तगतको महिला उद्यमी विकास समिति र महिला उद्यमशिलता संग सम्बन्धित उपसमितिहरुको सक्रियता र चितवन उद्योग वाणिज्य संघको संरक्षकत्व रहने गरि उद्योग तथा वाणिज्य कार्यालयको सहयोगमा संघको परिसरमा चितवन कोसेली घर समेत सञ्चालनमा रहेको छ ।

कोसेली घरको माध्यम बाट उत्पादित बस्तुहरुको प्रबर्द्धन लगायत बेचविखन गरी महिलाहरुको जिविकोपार्जनमा सहयोग पुऱ्याउदै आइरहेको छ । यसै गरि संघले आयोजना गर्दै आइरहेको चितवन महोत्सवमा पनि महिला उद्यमीका लागि विशेष ग्राहयता दिईदै आएको छ ।

यसै सिलसिलामा उक्त महिला उद्यमीहरुले उत्पादन गरेका वस्तुहरुलाई आवश्यक प्रचार, प्रसार गरि व्यवसाय बृद्धीमा सहयोग पुग्नुका साथै महिलाहरुको आर्थिक हैसियतमा समेत बृद्धी हुन गई अन्ततः महिला सशक्तिकरणमा समेत उल्लेख्य योगदान पुऱ्याउन सक्ने मान्यतालाई आत्मसात गर्दै यहि भदौ १९ देखी २३ सम्म “महिला उद्यमशिलताको विकास मार्फत महिला सशक्तिकरण” भन्ने मूल नाराका साथ महिला उद्यमी मेला २०८२ आयोजना गर्न लागिएको हो ।

स्थानीय उत्पादनलाई प्रबर्द्धन गर्ने बिभिन्न उपाय तथा माध्यम मध्ये मेला महोत्सव एक दरिलो माध्यम भएको चितवन उद्योग वाणिज्य संघद्धारा आयोजित यस अगावैका महोत्सवहरुले प्रमाणित गरिसकेका छन् ।

संघले यस सम्बन्धमा प्रत्येक बर्ष महिला उद्यमीका समस्याहरु समाधानार्थ विविध कार्यक्रम सञ्चालन गर्दै आइरहेको छ ।