नवलपुरमा कन्टेनर र ट्रक ठोक्किँदा चालकको मृत्यु, दुई घाइते

९६ पटक पढिएको

नवलपुर-नवलपुरको देवचुली नगरपालिका–१५ लोकाहा स्थित पूर्व–पश्चिम राजमार्गमा  कन्टेनर र ट्रक आपसमा ठोक्किँदा एकजनाको मृत्यु भएको छ भने दुई जना घाइते भएका छन्।

जिल्ला प्रहरीका अनुसार राति करिब ११:३० बजे नारायणगढबाट बुटवलतर्फ जाँदै गरेको ना २ क ११९ नम्बरको कन्टेनर र विपरीत दिशाबाट आउँदै गरेको प्र.२–०३००१ ख ४०५६ नम्बरको ट्रक आपसमा ठोक्किँदा दुर्घटना भएको हो।

दुर्घटनामा नवलपरासी (पश्चिम) सुस्ता गाउँपालिका–१ का ३०–३५ वर्षीय माधव पंगेनी गम्भीर घाइते भएका थिए। उपचारका लागि भरतपुरस्थित पुरानो मेडिकल कलेज लगिएका पंगेनीको बिहान १:१५ बजे मृत्यु भएको प्रहरीले जनाएको छ।