महेशपुर भन्सार र क्वारेन्टाइनको सेटिंगमा चौपाय ओसारपसार

१०७ पटक पढिएको

नवलपरासी समाचारदाता, महेशपुर भन्सार कार्यालय र पशु क्वारेन्टाइन कार्यालयको सेटिङमा यहावाट चौपायाको ओसार पसार हुने गरेको पाइएको छ

सरकारी कार्यालकै कर्मचारीले नियमविपरीत नक्कली कागजपत्र तयार गरेर चैपाय ओसारपसारलाई बैध बनाउने गरेको तथ्य फेला परेको छ ।

गत बिहीबार प्रहरीले सुस्तावाट बरामद गरेका ३३ वटा खसी बोकालाई पशु चिकित्सकले परिक्षण नै नगरिकन स्वस्थ्य रहेको नक्कली प्रमाणपत्र दिएको कागजातका आधारमा महेशपुर भन्सार कार्यालयले लिलाम गरेको पाइएपछि त्यस्तो तथ्य बाहिर आएको हो ।

बिनयी त्रिवेणी गाउपालिका ६ मा स्थानिय कृषकवाट खरिद गरिएका ३३ वटा खसि, बोका सीमावर्र्ती सुस्ता गाउपालिकाको महलबारीवाट पश्चिम नवलपरासी प्रहरीले गत बिहिवार बरामद गरेको थियो ।

मिनि ट्रकमा राखेर त्रिवेणीमा खरिद गरेका खसि,बोका सुस्ता हुदै दाउन्ने सडकको बाटो काठमाण्डौ लैजादै गर्दा प्रहरीले गाडि सहित ति खसिबोका गत बिहिवारसांझ बरामद गरेको थियो ।

खसि बिक्रि गरेको कागजात, ६ नम्बर वडा कार्यालयको सिफारीस सहित लैजादै गरेको गाडि समातेर प्रहरीले महेशपुर भन्सार बुझाएको थियो

उक्त खसी बोका ललितपुर शंखादेवी नगरपालिका–८ महालक्ष्मीस्थित गणेश कृषि तथा पशुपक्षी फर्ममा पठाउन लागिएको त्यहासंलग्न बिल र प्रमाणले देखाएको छ । भ्यानमा ३३ वटा खसि बोका भेटिएपनि पशु क्वारेन्टाइन कार्यालयको कागजातमा ४० वटा उल्लेख छ ।

पश्चिम नवलपरासी प्रतापपुर गाउँपालिका– ३ स्थित उषा सप्लायर्सले त्रिवेणीमा खरिद गरेका खसी बोका ललितपुर पठाइने भन्ने कागजपत्रमा उल्लेख छ ।

खसी बोकाको भेटेरिनरी प्रमाणपत्रमा स्वास्थ्य जाच प्रमाण पत्रमा भने पठाउने फर्मको नाउमा पूर्वी नवलपरासी विनयी–त्रिवेणी गाउपालिका–६ का किसानबाट खरिद गरी ललितपुर पठाउन लागिएको उल्लेख छ ।

भेटेरिनरी प्रमाण पत्रमा पश्चिम नवलपरासी बर्दघाटका पशु चिकित्सक विवेक थापा मगरको हस्ताक्षर छ ।

त्यस्तै सोही खसी बोका त्रिवेणी क्षेत्रबाट खरिद गरेको भन्दै पूर्वी नवलपरासीको विनयी–त्रिवेणी गाउपालिका वडा नम्बर ६ ले ललितपुरस्थित उक्त फर्मले माग गरेका आधारमा सिफारिस दिएको छ ।

यसरी एउटै सप्लायर्सलाई दुई वटा फरक फरक फर्मबाट पठाउन लागिएको कागजातमा दिएको देखिन्छ ।

खसीबोका हेर्दै नहरी भेटेरिनरी चिकित्सकले स्वस्थ्य र निरोगी रहेको प्रमाण पत्र दिएको पाइएको छ ।

३३ वटा खसी बोकालाई ४० वटा भनेर प्रमाण पत्रमा हस्ताक्षर गरेर दिइएको छ । अर्का चिकित्सकले भनेका आधारलाई विश्वास गरेर प्रमाण पत्र दिएको डाक्टर थापाले टेलिफोनमा बताए । ‘सुस्ताका पशु चिकित्सक देवेन्द्र घिमिरेले मैले हेरेको छु सबै ठीक छ भनेपछि प्रमाण पत्र जारी गरेको हु’ थापाले भने ।

घिमिरेले आफूले सहजीकरण मात्र गरेको दावी गरे । ‘गाउपालिकाको सिफारिस लिएर आएका थिए थापा सरलाई फोन गरेर गाउपालिकाको सिफारिस छ भन्ने जानकारी दिएको हु उनले भने ।

चौपायाको स्वास्थ्य परीक्षण बिना भेटेरिनरी प्रमाणपत्र जारी गर्ने यो पहिलो घटना होइन पशु चिकित्सकले आफू निकट व्यक्तिलाई प्रमाण पत्रमा हस्ताक्षर गरेर छाड्ने र रकम लिएर प्रमाण पत्र दिइने गरिएको स्थानिय बताउछन ।

स्वास्थ्य परीक्षण बिना लिलाम गरिएको खसी बोकाको लिलाम मुल्य ४ लाख ८० हजार राखिएको थियो । ति चौपाय शुक्रवार २ लाख ५० हजारमा लिलाम सखारेको भन्सार कार्यालयले जनाएको छ ।

 

खसी बोकासहित प्रहरीले कारोबारमा संलग्न भन्दै सवारी चालक पूर्वी नवलपरासी विनयी–त्रिवेणी गाउँपालिका–२ का विश्वास परियार र खसी बोका धनी पश्चिम नवलपरासी प्रतापपुर गाउपालिका–९ का दीपेश ठाकुरलाई समेत पक्राउ गरेर भन्सार पठाएको हो ।

 

महेशपुर भन्सार कार्यालयका प्रमुख विकास उपाध्यायले खसी बोकाको स्वास्थ्य परीक्षण गरेको दाबी गरे । नजिकै रहेको पशु क्वारेन्टाइनका चिकित्सकले खुसीबोका हेदै नहेरी स्वास्थ्य परीक्षणको कागजात दिएको बारेमा अनभिज्ञता जनाए । म हिजो बाहिर भएकाले धेरै अबेर कार्यालयमा अएको थिए कर्मचारीले तयार गरेको कागज पत्रमा हस्ताक्षर गरेको हु उपाध्यायले भने फेरि बुझौला ’ पश्चिम नवलपरासीका प्रहरी प्रमुख अबिनाश श्रेष्ठले खरिदकर्ताको कागजात संकास्पद देखिएका कारण खसिबोका बरामद गरेर महेशपुर भन्सार पठाएको टेलिफोनमा बताए ।

बिनयी त्रिवेणी गाउपालिकाका अध्यक्षको आपत्ति

खसी बोका खरिद गरिएको बिनयी त्रिवेणी गाउपालिकाका अध्यक्ष घनश्याम गिरीले आइतवार एक बिज्ञप्ती निकालेर त्रिवेणीका नेपाली कृषकवाट खरिद गरिएका खसिबोका लुम्बीनी प्रदेशको बाटो हुदै काठमाण्डौ लैजान लाग्दा बिना कारण प्रहरीले बरामद गरेर दुःख दिएको जनाएका छन । त्रिवेणीका सबै सामान दाउन्ने हुदै काठमाण्डौ लैजान पश्चिम नवलपरासी ( लुम्बिनी प्रदेशको) सडक प्रयोग गरेवापत प्रहरीले दुःख दिएको उल्लेख गर्दै बिज्ञप्तीमा यस्लाई आफुले गम्भिर रुपमा लिएको जनाएका छन ।

त्रिवेणीधामवाट खसिबोका खरिदगरेर लुम्बिीनी प्रदेशको बाटो हुदै दाउन्ने नारायणगढ हुदै काठमाण्डौ लैजानपर्ने बाध्यता छ । त्रिवेणीवाट गाडिमा हिडाइएका किसानका खसिबोका जिल्ला प्रहरी कार्यालय पश्चिम नवलपरासीले समातेर बिनाकारण भन्सार चलान गरेर दुःख दिएको गिरीको भनाई छ ।

प्रहरीले खसिबोकमा हप्तावारी असुल्ने भन्ने जानकारी छ लुम्बिनी प्रदेशको सडक प्रयोग गरेवापत दशैका खसीबोका समातेर भन्सार पठाउनुको के उद्धेश्य हो गिरीले प्रश्न गरेका छन ।