खल्तीबाट वर्ल्डलिङ्कको बिल भुक्तानी गर्दा विदेश भ्रमण र बम्परमा कार जित्ने मौका

३० पटक पढिएको

नेपालीहरुको महान् पर्व दसैँ एवम् तिहारको विशेष अवसर पारेर वर्ल्डलिङ्ककोे ग्राहकलाई लक्षित गर्दै आकर्षक योजना ल्याइएको छ । आइएमई खल्ती लिमिटेडद्वारा प्रवर्द्धन गरिएको डिजिटल वालेट ‘खल्ती बाइ आइएमई’बाट इन्टरनेट सेवा प्रदायक, वर्ल्डलिङ्कको बिल भुक्तानीमा भव्य र रोमाञ्चक क्याम्पेन सार्वजनिक गरेको हो ।

आगामी १२ हप्तासम्म चल्ने यस अभियानमा सेवाग्राहीहरुले खल्तीबाट वर्ल्डलिङ्कको बिल भुक्तानी गर्दा बम्परमा दिपलको एस ओ ५ गाडी, १२ जोडी भाग्यशाली ग्राहकलाई विदेश भ्रमण र स्यामसुङको उपकरणहरूमा छुट जित्ने मौका पाउनेछन् । अभियान अन्तर्गत भाग्यशाली जोडीले हरेक हप्ता विदेश भ्रमणको प्याकेज र बम्परमा भाग्यशाली विजेताले दिपलको गाडी जित्नेछन् ।

सेवाग्राहीहरुले अभियान अन्तर्गत खल्तीबाट वर्ल्डलिङ्कको प्याकेज खरिद वा नवीकरण गरेवापत विभिन्न स्यामसुङ उपकरणहरूमा ४० प्रतिशतसम्मको छुट समेत प्राप्त गर्न सक्ने जनाइएको छ । खल्तीको नयाँ क्याम्पेनले आफ्ना सेवाग्राहीहरुलाई वर्ल्डलिङ्कको बिल भुक्तानी झन्झटमुक्त गर्दै आकर्षक पुरस्कार जित्ने अवसर प्रदान गर्ने उद्देश्य राखेको छ । साथै यस अफरले वर्ल्डलिङ्क प्रयोगकर्ताहरुलाई खल्तीमार्फत सहज भुक्तानी गर्ने बानी बसाल्न पनि प्रोत्साहित गर्दछ ।

अफरमा सहभागी हुन सेवाग्राहीहरुले खल्ती मार्फत आफ्नो इन्टरनेट बिल भुक्तानी गर्नुपर्ने जनाइएको छ । एक महिनाको बिल तिर्ने सेवाग्राहीले एउटा कुपन, तीन महिनाको बिल तिर्नेले तीनवटा कुपन र १२ महिनाको बिल तिर्नेले पाँचवटा कुपन एसएमएस मार्फत प्राप्त गर्नेछन् । सेवाग्राहीले प्राप्त गरेको कुपन मार्फत उनीहरु स्वतः लक्की ड्रमा समावेश हुनुका साथै जति धेरै भुक्तानी, त्यति धेरै पुरस्कार जित्ने मौका रहने जनाइएको छ ।

आइएमई खल्तीका प्रमुख कार्यकारी अधिकृत विनय खड्काका अनुसार, यस क्याम्पेन सँगै खल्तीले आफ्ना सेवाग्राहीहरुलाई वर्ल्डलिङ्कको बिल भुक्तानी गर्न सजिलो बनाउने र सम्पूर्ण सेवाग्राहीहरुको चाडपर्व अझ रमाइलो बनाउने कोसिस रहेको छ । सबै प्रयोगकर्ताहरुलाई वर्ल्डलिङ्कको बिल भुक्तानीमा रहेको अफरबाट लाभान्वित हुन र यस अवसरलाई सदुपयोग गर्न समेत खड्काले आह्वान गर्नुभयो ।
वर्ल्डलिङ्कको आधिकारिक भुक्तानी पार्टनर्स् रहेको खल्तीले यस अघिका सालहरूमा पनि चाडपर्वको उत्साह कायम राख्न र डिजिटल रुपमा वर्ल्डलिङ्कको बिल भुक्तानी गर्न प्रोत्साहन गर्नका लागि नामी इभी गाडी र दुबई भ्रमण जस्ता अफरहरु ल्याएको थियो । यस वर्षको क्याम्पेनले पनि सोही उत्साह जारी राख्नेछ भन्ने आशा गरिएको छ ।

यहि साउन १ गतेबाट खल्ती प्राइभेट लिमिटेड र आइएमई डिजिटल सोलुशन लिमिटेड मर्ज भई ‘आइएमई खल्ती लिमिटेड’ नामले एकीकृत कारोबार गर्दै ‘खल्ती बाइ आइएमई’ डिजिटल वालेट प्रवर्द्धन गर्दै आएको छ । खल्तीमा आधिकारिक प्रयोगकर्ता ७० लाख भन्दा बढी रहेका थियो भने आइएमई पेमा ५७ लाख भन्दा बढी थिए, जो अब एकै एपमा समावेश भई एक करोड २७ लाख ग्राहक भएका छन् ।

यस अघि आइएमई पे “डिजिटल सर्भिसेज आइसिटी अवार्ड २०२४”, “एचआरएम अवार्ड फोर कर्पोरेट एक्सेलेन्स ९फिन्टेक० २०२३” र भिसा लिडरशिप कन्क्लेभ नेपाल २०२३ मा “एक्सिलेन्स इन फिन्टेक पार्नीर्शप अवार्ड”हरुले सम्मनित भएको थियो । त्यसै गरी खल्ती पनि “विट्सा ग्लोबल इन्नोवेशन क्याम्प”, “टेक एक्सिलेन्स अवाड्र्स २०२२”, देशकै सबैभन्दा बढी डिजिटल भुक्तानी कारोबार गर्ने भुक्तानी सेवा प्रदायक २०२३, २०२४ ९एनसिएचएलबाट लगातार दुई वर्ष० र अनवरत रुपमा डिजिटल कारोबारमा पु¥याएको उल्लेखनीय योगदानको उच्च कदरमा नेपाल राष्ट्र बैंकबाट सम्मानित भएको थियो ।

एकीकरण पश्चात् ५४.५४ करोड रुपैयाँ भन्दा बढी चुक्ता पुँजी भई ‘आईएमई बाइ खल्ती’ देशकै ठूलो डिजिटल वालेट बनेको छ । यस नयाँ सुरुआतले नेपाली डिजिटल अर्थतन्त्रमा नयाँ आयाम थप्ने विश्वास गरिएको छ ।