एमालेको महाधिबेशन: नवलपुरबाट १४ प्रतिनिधिका लागि ३३ जनाको उम्मेदवारी

२७ पटक पढिएको

नारायण शर्मा नवलपुर- एमालेको आसान्न केन्द्रिय महाधिबेशनका लागि जिल्लावाट प्रतिनिधि छान्न सर्वसम्मकालागि गरिएको प्रयास असफल भएपछि आज शनिवार मतदान हुने भएको छ ।

केन्द्रीय महाधिबेशनकालागि हुने प्रतिनिधि छनौटमा यस पटक पार्टी अध्यक्ष इश्वर पोख्रेल र केपि ओली पक्षधर खेमा बिच जिल्लामा कडा प्रतिस्पर्धा हुने देखिएको छ । दुबै समुहले आआफना प्यानल बनाएर निर्वाचनमा होमिएका छन ।

दुई वटा क्षेत्र रहेको नवलपुरमा १४ जना महाधिबेशन प्रतिनिधि छनौट हुनकालागि ३३ जनाको उम्मेदवारी परेको छ । दुबै क्षेत्रका दलित प्रतिनिधि भने शुक्रवार नै सर्व सम्मत चयन भएका छन ।

एमालेको केन्द्रीय अध्यक्षमा ओलीको नेतृत्व शुरु भए यताको १० बर्षको अबधिमा पहिलो पटक महाधिबेशन प्रतिनिधिकालागि पार्टीका संगठित सदस्यहरुले मतदान मार्फत प्रतिनिधि छान्ने भएका हुन । यस अघि यस्तै महाधिबेशन प्रतिनिधिकालागि पार्टीले हस्तक्षेप गरेर सर्वसम्मत नेतृत्व चयन गर्ने चलन थियो ।

निर्वाचन क्षेत्र नम्बर १ कालागि शनिवार बिहान ८ बजेवाट दिउसो ३ बजे सम्म निर्वाचन हुने निर्वाचन संयोजक अधिबक्ता गणेश सापकोटाले जानकारी दिए ।

क्षेत्र नम्बर १ वाट खुल्ला महाधिबेशन प्रतिनिधिमा ४ जना छनौट हुन पर्नेमा १२ जनाको उम्मेदवारी परेको छ । जेनजी आन्दोलनको मर्म अनुसार एक जना ४० वर्ष उमेर समुह भित्रका युवा प्रतिनिधि र एक महिला प्रतिनिधि छान्न पर्ने बिधानमा ब्यबस्था रहेको छ । एक युवा प्रतिनिधिकालागि बिद्रोहि गिरी र दीपेन्द्रसुनारीको उम्मेवारी परेको निर्वाचन समितिले जनाएको छ ।

त्यसैगरि दुई जना महिला प्रतिनिधिकालागि ४ जनाको उम्मेदवारी परेको छ ।

संघिय निर्वाचन क्षेत्र नम्बर १ मा एमालेका संगठित सदस्य ३७ सय ५१ जना रहेका छन । ति सबैले मतदान गरेर यस पटक प्रतिनिधि छनौट गर्ने छन । दलितवाट बाबुराम बिश्वकर्मा निर्विरोध चयन भएका छन ।

त्यसै गरि क्षेत्र नम्बर २ मा ४ जना प्रतिनिधि छनौट हुनेमा ८ जनाको उम्मेदवारी परेको छ । १ युवाकालागि २ जना र २ महिला प्रतिनिधिकालागि ५ जनाको उम्मेवारी परेको छ । क्षेत्र नम्बर २ कालागि शनिवार चोरमारामा निर्वाचन हुने भएको छ ।

यस अघि एमाले अध्यक्ष केपी ओली पक्षिय नेता कार्यकर्ताको बर्चश्व रहेको पूर्वी नवलपरासीमा यो पटक पूर्व राष्ट्रपछि बिद्यादेवी भण्डारीको सर्मथन रहेको इश्वर पोख्रेलको समुह बलियो देखिएको बताइएको छ ।

केन्द्रमा ईश्वर पोख्रेल पक्षलाई जिताउन पर्छ भन्ने पक्ष नवलपुरमा बलियो भएका कारण नै निर्वाचनमा जान परेको एक नेताले बताए ।

ओली पक्षहावी भएको अबस्था हुन्थ्यो भने निर्वाचननै हुदैन्थ्यो ति नेताले भने यस पटक एमालेको जिल्ला राजनितिमा केपि ओलीको बिपक्षको जनमत बढेको छ ति नेताले भने अरु परिमाण निर्वाचनले देखाउने छ ।