उमेरका कारण ज्ञवाली र शाक्य पदाधिकारी नबन्ने घोषणा

१४८ पटक पढिएको

काठमाडौँ । नेकपा एमालेका दुई उपाध्यक्ष युवराज ज्ञवाली र अष्टलक्ष्मी शाक्यले अब पदाधिकारी नबन्ने घोषणा गरेका छन् ।

भृकुटीमण्डपमा आइतबार बिहान बसेको केन्द्रीय कमिटीको बैठकमा उपाध्यक्षद्वय ज्ञवाली र शाक्यले अब पार्टीको पदाधिकारीमा आफ्नो इच्छा नरहेको धारणा राखेका हुन् ।

अध्यक्ष केपी शर्मा ओलीले अब नेतृत्व छोड्नुपर्छ भन्ने बताउदै आएका ज्ञवाली र शाक्यले पदाधिकारीमा नबस्ने तर पार्टीमा सक्रिय रहने बताए । दुवैले बढ्दो उमेरका कारण पदाधिकारीमा नबस्ने  जानकारी दिएका थिए ।

एमालेको जारी ११औं महाधिवेशनले नयाँ नेतृत्वको चयनको प्रक्रियामा रहेका बेला दुई वरिष्ठ नेताहरुले पार्टीको उच्च पदमा नबस्ने बताएका हुन् । आजैदेखि शुरु हुने बन्दसत्रबाट एमालेको नयाँ नेतृत्वको चयन हुदैछ ।