नवलपुरले २ जना केन्द्रीय सदस्य पाउने दाबी

२२० पटक पढिएको

नारायण शर्मा-नेपाली कांग्रेस पूर्वी नवलपरासीका सभापति महेन्द्रध्वज जिसीले कांग्रेसका महामन्त्रीद्धयले पूर्वी नवलपरासीले कांग्रेस केन्द्रीय सदस्यमा २ सिट पाउने भनेर आश्वासन दिएको भन्दै आफुहरु छलफलमा जुटेको जानकारी दिएका छन ।

बिशेष महाधिबेशनको पक्षमा शुरुदेखि नै खुलेर लागेका सभापति जिशिले मंगलवार भृकुटीमण्डपमा जिल्लाका सबै महाधिबेशन प्रतिनिधि र शुभेच्छुकहरुलाई राखेर यो बिषयमा छलफल शुरु गरेका छन । २ वटा प्रतिनिधि सभा सदस्य रहेको पूर्वी नवलपरासीवाट हाल केन्द्रीय सदस्य रहेका डा शशांक कोइराला, गण्डकी प्रदेशका पूर्व मुख्यमन्त्री कृष्णचन्द्र नेपाली र सिता देबकोटा यो बिषेश महाधिबेशनमा नखुलेका कारण ति बाहेक अन्य इच्छुक सदस्यहरु जान पर्ने भेलामा बताएको सुनाए ।

उनले भने बिनोद चौधरी पूर्वी नवलपरासीवाट यस अघि केन्द्रीय सदस्यमा प्रतिनित्व गरेपनि उहा कुनैपनि दिन जिल्लाका कोहि नेता कार्यकर्ताको सम्पर्कमा कहिल्यै नरहेका कारण चौधरीलाई फेरी जिल्लावाट केन्द्रीय सदस्यमा राख्न नसकिनेमा भेलामा सहभासगहरु एक मत छन । चौधरी जारी महाधिबेशनका पक्षमा खुलेर लागेका ब्यक्ति हुन । उनि खुलेर महाधिशेनमा लागेपनि जिल्लावाट प्रतिनधित्व गराउन नहुनेमा कांग्रेसका नेता कार्यकर्ता एक मत देखिएका छन ।

चौधरीबाहेक केन्द्रिय सदस्य कृष्णचन्द्र नेपाली, सिता देबकोटा र डा शशांक कोइराला यो बिशेष महाधिबेशनमा नदेखिएका कारण ति बाहेक नया अनुहार आउने पर्ने जिसीले भेलामा कुरा राखेका छन ।

अहिले केहि बेर अघि बिशेष महाधिबेशन स्थल भृकुटी मण्डपमा पूर्वी नवलपरासीका सबै प्रतिनिधिहरु र शुभेच्छुकको भेलामा जिसीले त्यस्तो आसय ब्यक्त गरेका हुन ।

बिशेष महाधिबेशनमा पूर्वी नवलपरासीका ४८ जना मध्ये ४४ जना महाधिबेशन प्रतिनिधि सकृय सहभागि रहेका छन । हालका केन्द्रीय सदस्य कृष्णचन्द्र नेपाली , सिता देबकोटा र डा शशांक कोइराला यो महाधिबेशनमा देखिएका छैनन ।

जिल्लाका महाधिबेशन प्रतिनिधि ३ दिन अघि केन्द्रीय सदस्य एवं प्रतिनिधि सभाका पूर्व सदस्य डा शशांक कोइरालको निवासमा पुगेर बिशेष महाधिबेशनमा खुल्न आग्रह गरेपनि कोइरालाले नजाने भन्दै नाक खुम्च्याएका थिए ।