श्रीमतीको हत्या गर्ने ‘नेपाली ब्रो’ भनिने कुमार थापा पक्राउ

४५ पटक पढिएको

काठमाडौँ । घरायसी विवादका क्रममा श्रीमानले श्रीमतीको हत्या गरेका छन् ।

आफ्नी श्रीमती ४२ वर्षीया ईश्वरी भुजेलमाथि फलामको रड प्रहार गरी हत्या गरेका काठमाडौँको तारकेश्वर नगरपालिका–६ लोलाङ पैँयुटारमा बस्ने ‘नेपाली ब्रो’ भनिने ४२ वर्षीय कुमार थापालाई पक्राउ गरेको नेपाल प्रहरीले जानकारी दिएको छ ।

शुक्रबार राति १०:१० बजे रड प्रहारबाट गम्भीर घाइते भएकी भुजेलको उपचारको क्रममा त्रिवि शिक्षण अस्पताल, महाराजगन्जमा मृत्यु भएको हो ।

रड प्रहार गर्ने कुमार थापालाई पक्राउ गरी प्रहरी वृत्त बालाजुमा राखिएको छ भने घटनाबारे थप अनुसन्धान भइरहेको छ ।