कावासोती खानेपानीको नयाँ नेतृत्व चयनका लागि आज निर्वाचन हुँदै

असार ६, कावासोती- देशकै उत्कृष्ट संस्थाका रुपमा पहिचान स्थापित गर्न सफल कावासोती खानेपानी तथा सरसफाइ उपभोक्ता संस्थाको नयाँ नेतृत्व चयनकालागि आज निर्वाचन हुँदैछ ।

स्थापना काल देखि नै निरन्तर नेकपा एमालेले नेतृत्व गर्दै आईरहेको संस्थाको आगामी ३ वर्षे कार्यकालको लागि सबै पदहरुमा कडा प्रतिस्पर्धा हुने आंकलन गरिएको छ ।

राष्ट्रिय राजनितिमा बहुमत सहित केन्द्र सरकार हाकिरहेको राष्ट्रिय स्वतन्त्र पार्टि रास्वपाले राष्ट्रिय प्रजातन्त्र पार्टि राप्रपासँग गठबन्धन गरेर अमृत कुमार श्रेष्ठको अध्यक्षतामा प्यानलनै बनाएर चुनावि मैदानमा होमिएको छ भने नेपालि कांग्रेस र नेकपा एमालेले आ आफ्नो एकल प्यानल बनाएर चुनावि मैदानमा छन् ।

नेपाल कम्युनिस्ट पार्टीले भने केहि स्वतन्त्र व्यक्तिहरुलाई समेत प्यानलमा स्थान दिएको भन्दै आँफुहरुको स्वतन्त्र प्यानल रहेको दावि गरेको छ ।

कांग्रेसले व्यवसायिको पहिचान बनाएका हेमप्रसाद पाण्डे(हेमु)को अध्यक्षतामा प्यानल बनाएको हो भने नेकपा एमालेले वर्तमान अध्यक्ष समेत रहनुभएका दिपकराज लम्सालकै नेतृत्वमा प्यानल नै बनाएर निर्वाचनामा होमिएको हो ।

आगामी निर्वाचनबाट पनि देशकै उत्कृष्ट संस्था बनाउन सफल भएको दावि गर्दै एमालेले आफ्नो २५ वर्षे विरासत जोगाउन कम्मर कसेर लागेको छ भने अन्य दलहरु विरासत खोसेर आफ्नो नेतृत्व स्थापना गर्न जोडतोडका साथ लागिपरेका छन् ।

दलहरुले यो निर्वाचनलाई आगामी स्थानीय तहको निर्वाचनको तयारीको रुपमा समेत हेरिरहेकोले यसको चर्चा अझ बढि चुलिएको छ ।

विभिन्न आंकलन अनुसार कावासोती खानेपानि तथा सरसफाई उपभोक्ता संस्थालाई साँच्चिकै नमुना र उत्कृष्ट बनाउन सफल भएकोले एमालेको लम्साल नेतृत्वको प्यानलनै पुनः दोहिरिन सक्ने बताएका छन् ।

यद्यपि यो निर्वाचनमा कांग्रेस, एमाले र राप्रपासँग गठबन्धन गरेको रास्वपा बिच त्रिपक्षीय प्रतिस्पर्धा हुने अनुमान गरिएको छ । यस निर्वाचनमा केहि व्यक्तिहरुले स्वतन्त्र रुपमा समेत आफ्नो उम्मेद्वारी दिएका छन् जसमध्ये सचिव पदमा स्वतन्त्र उम्मेद्वारी दिएका माधव प्रसाद लम्सालको मुख्य एजेण्डानै सामाजिक संस्थामा राजनितिक दलगत प्यानल हुनु नहुने रहेकोले लम्सालको चर्चा पनि उत्तिकै रहेको छ ।रेडियो कावासोती

यस पटकको निर्वाचनमा कुल ७ हजार ९ सय ९१ जना मतदाता रहेका छन्, जसमा चैत्र मसान्तसम्मको खानेपानी महसुल र शुल्क बैशाख मसान्तसम्म चुक्ता गरेका उपभोक्ताहरूले मात्र मतदान गर्न पाउने छन।